________________
હે વૃક્ષદેવતા, મને મારી જાત ઉપર જેટલો પ્રેમ છે, આદર છે, એનાથી પણ વિશેષ પ્રેમ અને આદર જૈન ધર્મ ઉપર હોય તો તમે બધાં તાલ-વૃક્ષો સારાં બની જાઓ. સુંદર બની જાઓ.”
એમ પ્રાર્થના કરીને રાજાને પોતાના ગળામાંથી સોનાનો હાર કાઢીને તાલ-વૃક્ષને પહેરાવ્યો !
રાજા રથમાં બેસીને મહેલે આવ્યા. આખી રાત રાજાએ ધર્મધ્યાન કર્યું.
પ્રભાતે ઉપવાસનું પારણું કર્યા વિના કુમારપાલ ગુરુદેવનાં દર્શનવંદન કરવા ઉપાશ્રયે ગયા.
દર્શન-વંદન કરીને પછી ઉપદેશ સાંભળવા બેઠા. બીજાં સ્ત્રી-પુરુષો પણ ઉપદેશ સાંભળવા આવીને બેઠાં.
ગુરુદેવે સાકર જેવી મધુર વાણીમાં ઉપદેશ આપવા માંડ્યો. ત્યાં બગીચાના માળીએ પ્રફુલ્લવદને ઉપાશ્રયમાં પ્રવેશ કયો. ચુપચાપ એ પણ ઉપદેશ સાંભળવા બેસી ગયો.
ઉપદેશ પૂરો થયો. માળીએ મહારાજાને પ્રણામ કરીને, નિવેદન કર્યું :
મહારાજા, આપની વૃક્ષપૂજા ફળી છે ! મેં વહેલી સવારે એ તાલ-વૃક્ષો જોયાં. વૃક્ષો સંપૂર્ણ નિરોગી અને સુંદર બની ગયાં છે ! ધન્ય છે આપની ધર્મશ્રદ્ધાને ! પ્રભુ, આવો ચમત્કાર તો પહેલ-વહેલો જ જોયો !'
કુમારપાલે પોતાના ગળામાંથી સોનાનો હાર કાઢીને માળીને ભેટ આપ્યો અને કહ્યું,
તું બાગમાં જા અને એ તાલ-પત્રો અહીં લઈ આવ. લાવીને આ લહિયાઓને આપ.”
માળી ખૂબ રાજી થઈને ગયો. ગુરુદેવે કુમારપાલને પૂછ્યું : “આ બધું શું છે ?'
કુમારપાલે વૃક્ષ-દેવતાની પૂજાની વાત કરી. સાંભળીને ગુરુદેવ, (૧૪૮ ડી
સર્વજ્ઞ જેવા સૂરિદેવ
Jain Education International
For Private & Personal Use Only
www.jainelibrary.org
