Shravaka Jivan Part 2

SR No.: 004542
Original Sutra Author: N/A
Author: Bhadraguptasuri
Publisher: Vishvakalyan Prakashan Trust Mehsana
Total Pages: 286
Language: Gujarati
Classification: Book_Gujarati & Religion
File Size: 13 MB

Page 94

८८
શ્રાવકજીવન
સ્વજનો, મિત્રો સાથે આ રીતે શુદ્ધ અને સુંદર વસ્ત્રાલંકાર ધારણ કરીને જિનભવન જઈશું.”
સમાન વ્યક્તિનું અનુકરણ કરવાની વૃત્તિ મનુષ્યમાં હોય છે.
મોટા નગરોમાં મુંબઈ, મદ્રાસ, બેંગલોર જેવાં શહેરોમાં આ અનુકરણ અને અનુસરણ વિશેષ રૂપમાં જોવા મળે છે. કેટલાંક ઉદાહરણો બતાવું છું. સામુદાયિક આનંદ મનાવવાની પ્રવૃત્તિઓ :
– વૈભવશાળી ફ્લેટમાં ઊભેલી મહિલા પોતાના પતિને કહે છે : "શું તમે દર રવિવારે આપણા પાડોશી મહેશભાઈને સપરિવાર સિનેમા જોવા જતા જુઓ છો ? પોતાની બે છોકરીઓને જમાઈઓ સાથે બોલાવી લે છે અને બધાં સાથે સિનેમા જોવા જાય છે. તમને કદી ઇચ્છા થાય છે ? લગ્ન પછી આપણે પરિવાર સાથે ઘર બહાર નીકળ્યાં જ નથી ! મને ઇચ્છા થાય છે કે આપણે પણ રવિવારે સાંજે પરિવાર સાથે સિનેમા જોવા જઈશું... પિકનિક પણ થઈ જશે કોઈક ગાર્ડનમાં ?"
આ થઈ અનુકરણની વાત. બંને પાડોશી ધનવાન છે ! "તે લોકો આવો આનંદપ્રમોદ કરે છે તો આપણે કેમ ન કરીએ ?” આવી ઇચ્છા સ્વાભાવિક રીતે જ થાય છે.
– બીજી એક શ્રીમંત ઘરની નારી પોતાના પતિને કહે છે ઃ "આપણા સામેવાળા ફ્લેટમાં રંજનાબહેન રહે છે, તે રવિવારે સાંજે કદીય ઘેર રસોઈ બનાવતાં નથી. પતિ-પત્ની અને ત્રણે બાળકો રવિવાર સાંજનું ભોજન કોઈ સારી હોટલમાં કરે છે. તમે તો કદી અમને હોટલમાં લઈ જતા નથી, મને એક દિવસનો ય આરામ નહીં... રવિવારે પણ બહાર જવાનું નહીં ?”
આ કિસ્સો પણ અનુકરણનો છે. કેવું અનુક૨ણ ચાલી રહ્યું છે તે તમે જાણો છો ? રવિવારે તમારા લોકોના ઘરમાં રસોઈ બનાવવાનું બંધ થઈ જાય ! અમને લોકોને ગોચરી મળવી મુશ્કેલ થઈ ગઈ ! શ્રીમંતોનું અનુકરણ કરવું મધ્યમ વર્ગે શરૂ કરી દીધું છે, તેઓ પણ રવિવાર ઘર બહાર વિતાવવા લાગ્યા. ફાલતું ખર્ચ વધી ગયું.
- એક યુવકમંડળની મિટિંગમાં ચર્ચા ચાલી રહી હતી : "આપણી પાડોશની બિલ્ડિંગના મંડળે ડિસેમ્બરમાં મહાબળેશ્વરની ટૂર કાઢી હતી; ૫૦ યુવક-યુવતીઓ ગયા હતા. ખૂબ મજા પડી એ લોકોને, આપણે પણ એવી ટૂર કાઢીએ. આપણે ઉટી જઈએ યા માથેરાન જઈએ.” મંડળ એટલે સમૂહ. સમૂહમાં કોઈ સારી આકર્ષક ક્રિયા થાય છે તો બીજાંને અનુકરણ યા અનુસરણ ક૨વાની ઇચ્છા જાગે જ છે.