Page Text
________________
૨૩૮
સંઘયાત્રાથી જનતા પ્રભાવિત થવી જોઈએ :
સંઘ કાઢનાર સંઘપતિ ઉદાર પ્રકૃતિનો હોવો જોઈએ. જે જે ગામ-નગરોમાંથી સંઘ પસાર થાય તે તે ગામ-નગરમાં :
-
દુઃખી સાધર્મિકોનો ઉદ્ધાર કરવો જોઈએ.
ગરીબ પ્રજાને અનુકંપા-દાન આપવું જોઈએ. વસ્ત્ર-ભોજન વગેરે આપવાં જોઈએ.
હૉસ્પિટલોમાં-શાળાઓમાં-પાંજરાપોળોમાં યથોચિત અર્થદાન પણ આપવું
જોઈએ.
દાનથી જ સામાન્ય પ્રજા પ્રભાવિત થાય છે અને પ્રશંસક બને છે. એટલા માટે સંઘપતિને પહેલેથી જ માર્ગદર્શન આપી દેવું જોઈએ. રસ્તાનાં ગામોમાં કોઈ સાર્વજનિક પરોપકારનું કામ આવે તો સંઘપતિ સારું દાન આપીને જનતાને આનંદિત કરી દે ! સંઘપતિ જેવો ઉદાર હોય તેવો શાન્ત સ્વભાવનો હોવો જોઈએ. પ્રસન્નચિત્ત અને પ્રસન્નવદન હોવો જોઈએ. સંઘના બધા લોકોનો ખ્યાલ રાખનાર હોવો જોઈએ.
.
શ્રાવકજીવન
જે જે ગામમાં સંઘ જાય, એ ગામમાં જિનમંદિર હોય તો પૂજા વગેરેનું આયોજન કરવું જોઈએ. બીજાં અજૈન મંદિરોમાં પણ શ્રીફળ વગેરે પૂજાપો મોકલવો જોઈએ. અન્ય દેવ-દેવીઓનો પણ અનાદર ન કરવો જોઈએ. આશાતના ન ક૨વી જોઈએ. તીર્થમાં પહોંચ્યા પછી ઃ
તીર્થમાં મોટા આડંબર સાથે - ધામધૂમથી સંઘનો પ્રવેશ મહોત્સવ થવો જોઈએ. તીર્થમાળા પહેરવાનું આયોજન હોવું જોઈએ. સ્વામિવાત્સલ્ય થવું જોઈએ. ગરીબોને અનુકંપા-દાન આપવું જોઈએ. તીર્થક્ષેત્રમાં - જે જે ક્ષેત્રમાં પૈસાની કમી હોય, તે તે ક્ષેત્રને સમૃદ્ધ કરવું જોઈએ.
તીર્થપતિ પરમાત્માની ભક્તિનું, પૂજનનું ભવ્ય આયોજન હોવું જોઈએ. દર્શનપૂજન-સ્તવન અને ગીતનૃત્ય કરતાં ભક્તિભાવથી વિભોર થઈ જવું જોઈએ. તીર્થક્ષેત્રમાં જૈન લોકો વસતા હોય તો તેમને પણ ઉચિત સહાય કરવી જોઈએ. દુઃખી પરિવારોનાં દુઃખ દૂર કરવાના પ્રયત્નો કરવા જોઈએ. આ બધું કરવાથી જ જિનશાસનની ઉન્નતિ થાય છે. આપણા હૃદયમાં પણ જિનશાસન પ્રત્યે અપૂર્વ ભક્તિભાવ ઊભરાય છે.
પૂર્વ મહાપુરુષોને યાદ કરો :
જ્યારે જ્યારે તીર્થયાત્રાનું - યાત્રાસંઘનું આયોજન થાય ત્યારે જૈન ઇતિહાસમાં
Jain Education International
For Private & Personal Use Only
www.jainelibrary.org
| SR No. | 004542 |
| Book Title | Shravaka Jivan Part 2 |
| Original Sutra Author | N/A |
| Author | Bhadraguptasuri |
| Publisher | Vishvakalyan Prakashan Trust Mehsana |
| Publication Year | |
| Total Pages | 286 |
| Language | Gujarati |
| Classification | Book_Gujarati & Religion |
| File Size | 13 MB |