________________
૧૫૦
શબ્દોની પાછળ રહેલ ભાવોના ઊંડાણમાં જવા વિનંતી છે.
મહાયોગી શ્રી આનંદઘનજી મહારાજ અને પ્રભુ પ્રેમના રસિક તત્વજ્ઞાની ઉપા. શ્રી યશોવિજયજી મહારાજનો મેળાપ થયો. તેનો છેલ્લો નિષ્કર્ષ એ આવ્યો.
“આનંદઘન કહે જસ સુની વાતો
એહી મિલે તો મેરો ફેરો ટળે.” પરમાત્મા મળે તો જ ભવ દુઃખથી મુકત બની શકાય અને આત્માનુભૂતિનું પરમ સુખ પ્રાપ્ત થાય.
પ્રભુના અભેદ મીલનનો આનંદ જે ભોગવે તે જ જાણે. અનુભવ વગર તે કોણ જાણી શકે ? - પરમ પૂજ્ય પંન્યાસ ભદ્રંકરવિજયજીએ મને જે શીખવ્યું તે અહીં લખું છું. પ્રિય વાચક ! આ વાંચતા તારા હૃદયના દ્વાર જરૂર ખુલ્લાં થઈ જશે અને તારા હૃદય સિંહાસનમાં પ્રભુ બિરાજમાન થઈ જશે. તે પછી તારા હૃદયમાં પધારેલા ભગવાનને હવે જવા ન દઈશ.
પોતાના ગુણસ્થાનકને યોગ્ય આરાધના કરનાર, સામાચારીનું પાલન કરનારને આરાધના જલ્દી લાગુ પડે છે. પ્રભુ મિલનના મુમુક્ષુ માટે ધ્યાન રાખવા જેવી હકકત :
પૂ. ગુરુમહારાજનું આ વિષયમાં માર્ગદર્શન નીચે મુજબ છેઃ(૧) સ્થળ - જિનમંદિરમાં અગર સામાયિકમાં પદ્માસન અગર અર્ધપદ્માસન
અગર સુખાસન પ્રભુમીલનના અનુભવ માટે જરૂરી છે. સમય - એટલે કે રાતના ૧૨ થી અનુકૂળતા મુજબ સવાર સુધી અથવા અનુકૂળતાના સમયે. આ મીલન શરીરનું નથી. ચૈતન્યથી ચૈતન્યનું મીલન છે, આત્માથી
આત્માનું મીલન છે. (૪) (A) શરીર, (B) જ્ઞાનવરણીય આદિ આઠ કર્મ અને (C) રાગદ્વેષ,
મોહ, અજ્ઞાન રૂ૫ ભાવકર્મથી ભિન્નતા ભાવિત કરી આ ધ્યાન સારી રીતે કરી શકાય તે માટેનો પ્રયોગ -
(એ) એક હજાર પાંખડીવાળા કમળની કર્ણિકામાં રહેલા મેરૂ પર્વતના શિખર ઉપર રહેલા સ્ફટિક રત્નના સિંહાસનમાં આપણે બેઠા છીએ.
Jain Education International
For Private & Personal Use Only
www.jainelibrary.org
