________________
૧૪૧
ચોથો નિયમ સાધનાની વર્ષગાંઠ (સાલગીરી) માગશર વદ - ૧૦ - પાર્શ્વનાથ પ્રભુના જન્મ કલ્યાણકનો દિવસ એ આપણી સાધનાની વર્ષગાંઠનો દિવસ છે. માગશર વદ ૯-૧૦-૧૧ એ ત્રણ દિવસ અઠ્ઠમ કરી, શંખેશ્વરદાદાના દરબારમાં જઈ સાધના કરવી. (૨૦૧પ થી નિયમિત અઠ્ઠમની આરાધના ચાલે છે.)
પાંચમો નિયમ
૨૦૧૯નો આ પ્રસંગ છે. પૂ. ગુરુમહારાજ - “બીજાના પૈસા પેઢીમાં જમા રાખે છે ?” સાધક - “જી હા.” પૂ.ગુરુમહારાજ - “શા માટે ?” સાધક – “વેપારમાં જરૂર પડે તે માટે લેવા પડે છે.”
પૂ. ગુરુમહારાજ - સાધક અને ધર્મી જીવન ગાળવાના વિચારવાળાએ બીજાના પૈસા લઈ વેપાર કરવો ઠીક નથી. કોઈ વખત કાંઈ પણ કારણ બને. અણધારી મુશ્કેલી આવે ત્યારે બીજાના લીધેલા પૈસા પાછા ન આપી શકાય તો ધર્મ નિંદાય- “આવા ધર્મી માણસ થઈને બીજાના પૈસા લઈને ચૂકવતા નથી” - તેવી વાત થાય. પાછા આપી ન શકાય તો બીજા ભવમાં ગુણાકાર કરીને ચૂકવવું તો પડે જ છે. પૈસા લઈને પાછા ન આપવા તે નીતિશાસ્ત્રની પણ વિરૂદ્ધ છે. માટે પોતાની પાસે હોય તેટલાનો જ વેપાર કરવો. બીજાના પૈસા લઈ વેપાર કરવો નહિ.
સાધક – “આપની વાત યોગ્ય જ છે. હવેથી નવા નહિ લઉં, પણ જે લીધેલા છે તેનું શું કરવું ?”
પૂ.ગુરુમહારાજ - “વહેલી તકે વ્યાજ સાથે પાછા આપી દેવા.” સાધક – હા, જી, એમ જ કરીશ.
૨૦૨૯ના આસો વદ અમાસ પહેલાં બધાના પૈસા પાછા અપાઈ ગયા. તે પછી બીજાના પૈસા લેવાનો પ્રસંગ આવ્યો નથી. નિયમ સચવાઈ રહ્યો છે.
---*---
Jain Education International
For Private & Personal Use Only
www.jainelibrary.org
