________________ 660 ] [ काव्यषट्कं प्रासीद्यथाज्यौतिषमेष गोलः शशी समक्षं चिपिटस्ततोऽभूत् / स्वर्भानुदंष्ट्रायुगयन्त्रकृष्टपीयूषपिण्याकदशावशेष: / / 85 / / असावसाम्याद्वितनोः सखा नो कर्पूरमिन्दुः खलु तस्य मित्रम् / दग्धौ हि तौ द्वावपि पूर्वरूपाद्यद्वोर्यवत्तामधिकां दधाते / / 86 / / स्थाने विधोर्वा मदनस्य सख्यं स शंभूनेत्रे ज्वलति प्रलीन: / अयं लयं गच्छति दर्शभाजि भास्वन्मये चक्षुषि चादिपुंसः / / 87 / / नेत्रारविन्दत्वमगान्मृगाङ्कः . पुरा पुराणस्य यदेष पुंसः / अस्याङ्क एवायमगात्तदानीं कनीनिकेन्दिन्दिरसुन्दरत्वम् / / 88 / / देवेन तेनैष च काश्यपिश्च साम्यं समीक्ष्योभयपक्षभाजी / द्विजाधिराजौ हरिणाश्रितो च युक्तं नियुक्ती नयनक्रियायाम् / / 89 / / यैरन्वमायि ज्वलनस्तुषारे सरोजिनीदाहविकारहेतोः / तदीयधूमौघतया हिमांशी शके कलङ्कोऽपि समर्थितस्तै / / 90 / / स्वेदस्य धाराभिरिवापगाभि ___ाप्ता जगद्भारपरिश्रमार्ता / छायापदेशाद्वसुधा निमज्ज्य _ सुधाम्बुधावुज्झति खेदमत्र // 91 / / 25 ममानुमैवं बहुकालनीली- . निपातनीलः खलु हेमशैलः /
