________________ रघुवंशे एकादशमः सर्गः ] [ 75 सुरगज इव दन्तैर्भग्नदत्यासिधारै नय इव पणबन्धव्यक्तयोगैरुपायैः / हरिरिव युगदीर्घ>भिरंशैस्तदीयैः पतिरवनिपतीनां तैश्च काशे चतुभिः / / 86 / / ( मालिनी ) // इति महाकवि श्री कालिदासकृतौ रघुवंशे महाकाव्ये रामावतारो नाम दशमः सर्गः / / 10 / / // 11 // एकादशः सर्गः // कौशिकेन स किल क्षितीश्वरो राममध्वरविघातशान्तये / काकपक्षधरमेत्य याचितस्तेजसां हि न वयः समीक्ष्यते / / 1 / / . ( रथोद्धता ) कृच्छलब्धमपिलब्धवर्णभाक्तं दिदेश मुनये सलक्ष्मणम् / 15 अप्यसुप्रणयिनां रघोः कुले न व्यहन्यत कदाचिदर्थिता / / 2 / / यावदादिशति पार्थिवस्तयोनिर्गमाय पुरमार्गसंस्क्रियाम् / तावदाशु विदधे मरुत्सखैः सा सपुष्पजलवर्षिभिर्घनैः / / 3 / / तौ निदेशकरणोद्यतौ पितुर्धन्विनौ चरणयोंनिपेततुः / भूपतेरपि तयोः प्रवत्स्यतोर्नम्रयोरुपरि बाष्पबिन्दवः // 4 // 20 तौ पितुर्नयनजेन वारिणा किंचिदुक्षितशिखण्डकावुभौ / धन्विनौ तमृषिमन्वगच्छतां पौरदृष्टिकृतमार्गतोरणौ // 5 / / लक्ष्मणानुचरमेव राघवं नेतुमैच्छदृषिरित्यसौ नृपः / आशिषं प्रयुयुजे न वाहिनीं सा हि रक्षणविधौ तयोः क्षमा।६। मातृवर्गचरणस्पृशौ मुनेस्तौ प्रपद्य पदवीं महौजसः / 25 रेजतुर्गतिवशात्प्रवतिनौ भास्करस्य मधुमाधवाविव / / 7 / /
