________________ 76 ] [ काव्यषट्के (1) रघुवंशम् वीचिलोलभुजयोस्तयोर्गतं शैशवाच्चपलमप्यशोभत / तोयदागम इवोद्धयभिद्ययोर्नामधेयसदृशं विचेष्टितम् / / 8 / / तौ बलातिबलयोः प्रभावतो विद्ययोः पथि मुनिप्रदिष्टयोः / मम्लतुर्न मणिकुटिमोचितौ मातृपार्श्वपरिवर्तिनाविव / / 6 / / 5 पूर्ववृत्तकथितैः पुराविदः सानुजः पितृसखस्य राघवः / . उह्यमान इव वाहनोचितः पादचारमपि न व्यभावयत् / 10 / तौ सरांसि रसवद्भिरम्बुभिः कूजितैः श्रुतिसुखैः पतत्त्रिणः / वायवः सुरभिपुष्परेणुभिश्छायया च जलदाः सिषेविरे // 11 // नाम्भसां कमलशोभिनां तथा शाखिनां च न परिश्रमच्छिदाम् / दर्शनेन लघुना यथा तयोः प्रीतिमापुरुभयोस्तपस्विनः / / 12 / / स्थारगुदग्धवपुषस्तपोवमं प्राप्य दाशरथिरात्तकार्मुकः / विग्रहेण मदनस्य चारुणा सोऽभवत्प्रतिनिधिर्न कर्मणा // 13 / / तौ सुकेतुसुतया खिलीकृते कौशिकाद्विदितशापया पथि / निन्यतुः स्थलनिवेशिताटनी लीलयेव धनुषी अधिज्यताम् 14 15 ज्यानिनादमथ गृह्णती तयोः प्रादुरास बहुलक्षपाछविः / ताडका चलकपालकुण्डला कालिकेव निबिडा बलाकिनी / 15 / तीव्रवेगधुतमार्गवृक्षया प्रेतचीवरवसा स्वनोग्रया / अभ्यभावि भरताग्रजस्तया वात्ययेव पितृकाननोत्थया / 16 / उद्यतैक भुजयष्टिमायती श्रोणिलम्बिपुरुषान्त्रमेखलाम् / तां विलोक्य वनितावधे घृणां पत्रिणा सह मुमोच राघवः / 17 / यच्चकार विवरं शिलाघने ताडकोरसि स रामसायकः / अप्रविष्ट विषयस्य रक्षसां द्वारतामगमदन्तकस्य तत् / / 18 / / बाणभिन्नहृदया निपेतुषी सा स्वकाननभुवं न केवलाम् / विष्टपत्रयपराजयस्थिरां रावणश्रिथमपि व्यकम्पयत् / / 19 / / 25 राममन्मथश रेण ताडिता दुःसहेन हृदये निशाचरी / गन्धवद्रुधिरचन्दनोक्षिता जीवितेशवसति जगाम सा // 20 //
