________________ 872 ] [ काव्यषट्कं श्रुति श्रद्धत्थ विक्षिप्ताः प्रक्षिप्तां ब्रथ च स्वयम् / मीमांसामांसलप्रज्ञास्तां यूपद्विपदापिनीम् // 61 / / को हि. वेदास्त्यमुष्मिन्वा लोक इत्याह या श्रुतिः / तत्प्रामाण्यादमुं लोकं लोकः प्रत्येतु वा कथम् / / 62 / / . धर्माधमौं मनुर्जल्पन्नशक्यार्जनवर्जनौ / व्याजान्मण्डलदण्डार्थी श्रदधायि मुधा बुधः // 63 / / व्यासस्यैव गिरा तस्मिन्श्रद्धेत्यद्धा स्थ तान्त्रिका: / मत्स्यस्याप्युपदेश्यान्वः को मत्स्यानपि भाषताम् / / 64 / / पण्डितः पाण्डवानां स व्यासवाटपटः कविः / 10 निनिन्द तेषु निन्दत्सु स्तुवत्सु स्तुतवान्न किम् / / 65 / / न भ्रातुः किल देव्यां स व्यास: कामात्समास जत् / दासीरतस्तदासीद्यन्मात्रा तत्राप्यदेशि किम् // 66 / / देवैद्विजैः कृता ग्रन्थाः पन्था येषां तदाहतौ / गां नतैः किं न तैर्व्यक्तं ततोऽप्यात्माधरीकृतः / / 67 // 15 साधुकामुकतामुक्ता शान्तस्वान्तैर्मखोन्मुखैः / सारङ्गलोचनासारां दिवं प्रेत्यापि लिप्सुभिः / / 68 / / कः शमः क्रियतां प्राज्ञाः ! प्रियाप्रीतौ परिश्रमः / भस्मीभूतस्य भूतस्य पुनरागमनं कुतः / / 66 / / उभयी प्रकृतिः कामे सज्जेदिति मुनेमनः / 20 अपवर्गे तृतीयेति भणतः पाणिनेरपि // 70 / / बिभ्रत्युपरियानाय जना जनितमज्जनाः / विग्रहायाग्रतः पश्चाद्गत्वरोरभ्रविभ्रमम् // 71 / / एनसानेन तिर्यस्यादित्यादि: का विभीषिका / ' राजिलोऽपि हि राजेव स्वैः सुखी सुखहेतुभिः / / 72 / / 25 हताश्चेदिवि दीव्यन्ति दैत्या दैत्यारिणा रणे / तत्रापि तेन युध्यन्तां हता अपि तथैव ते / / 73 / /
