________________ (2) कुमारसंभवं :: नवमः सर्गः ] [ 201 पिनाकिनापि स्फटिकाचलेन्द्र: कैलासनामा कलिताम्बरांशः / धृतार्धसोमोऽद्भुतभोगिभोगो विभूतिधारी स्व इव प्रपेदे / 36 / विलोक्य यत्र स्फटिकस्य भित्तौ सिद्धाङ्गनाः स्वं प्रतिबिम्बमारात् / भ्रान्त्या परस्या विमुखीभवन्ति प्रियेषु मानग्रहिला नमत्सु / / 40 / / सुबिम्बितस्य स्फटिकांशुगुप्तेश्चन्द्रस्य चिह्नप्रकरः करोति / गौर्याषितस्येव रसेन यत्र कस्तूरिकायाः शकलस्य लीलाम् / 41 / यदीयभित्तौ प्रतिबिम्बिताङ्गमात्मानमालोक्य रुषा करीन्द्राः।। 10 मत्तान्यकुम्भिभ्रमतोऽतिभीमदन्ताभिघातव्यसनं वहन्ति // 42 // निशासु यत्र प्रतिबिम्बितानि ताराकुलानि स्फटिकालयेषु / दृष्ट्वा रतान्तच्युततारहारमुक्ताभ्रमं बिभ्रति सिद्धवध्वः / 43 / नभश्चरीमण्डनदर्पणश्री: सुधानिधिमूर्धनि यस्य तिष्ठन् / अनर्थ्यचूडामणितामुपैति शैलांधिनाथस्य शिवालयस्य / / 44 / / समीयिवांसो रहसि स्मरार्ता ___रिरंसवो यत्र सुरा: प्रियाभिः / एकाकिनोऽपि प्रतिबिम्बिभाजो विभान्ति भूयोभिरिवान्विताः स्वः / / 45 / / देवोऽपि गौर्या सह चन्द्रमौलिर्यदृच्छया स्फाटिकशैलशृङ्गे / 20 शृङगारचेष्टाभिरनारताभिर्मनोहराभिर्व्यहरच्चिराय / / 46 / / देवस्य तस्य स्मरसूदनस्य हस्तं समालिङ्गय सुविभ्रमश्रीः / सा नन्दिना वेत्रभृतोपदिष्टमार्गा पुरोगेण कलं चचाल / 47 / चलच्छिखाग्रो विकटाङ्गभङ्गः सुदन्तुरः शुक्लसुतीक्ष्णतुण्डः / 25 ध्रुवोपदिष्टः स तु शंकरेण तस्या विनोदाय नर्त भृङ्गी // 48 //
