________________ 162 ] [ काव्यषट्कं तत्र काञ्चनशिलातलाश्रयो नेत्रगम्यमवलोक्य भास्करम् / दक्षिणेतरभुजव्यपाश्रयां व्याजहार सहधर्मचारिणीम् / / 29 / / पद्मकान्तिमरुणविभागयोः संक्रमय्य तव नेत्रयोरिव / / संक्षये जगदिव प्रजेश्वरः संहरत्यहरसावहर्पतिः / / 30 / / 5 सीकरव्यतिकरं मरीचिभिर्दूरयत्यवनते विवस्वति / इन्द्रचापपरिवेषशून्यतां निर्भरास्तव पितुर्वजन्त्यमी / / 31 / / दष्टतामरसकेसरस्रजोः क्रन्दतोविपरिवृत्तकण्ठयोः / निघ्नयोः सरसि चक्रवाकयोरल्पमन्तरमनल्पतां गतम् / / 32 / / स्थानमाह्निकमपास्य दन्तिनः सल्लकीविटपभङ्गवासितम् / 10 आविभातचरणाय गलते वारि वारिरुहबद्धषटपदम् / / 33 / / पश्य पश्चिमदिगन्तलम्बिना निर्मितं मितकथे विवस्वता / लब्धया प्रतिमया सरोम्भसां तापनीयमिव सेतुबन्धनम् / 34 / उत्तरन्ति विनिकीर्य पल्वलं गाढपङ्कमतिवाहितातपाः / दंष्ट्रिणो वनवराहयूथपा दष्टभङ्गुरबिसाङकुरा इव / / 35 / / 15 एष वृक्षशिखरे कृतास्पदो जातरूपरसगौरमण्डल: / हीयमानमहरत्ययातपं पीवरोरु पिबतीव बहिणः / / 36 / / पूर्वभागतिमिरप्रवृत्तिभिर्व्यक्तपङ्कमिव जातमेकतः / खं हृतातपजलं विवस्वता भाति किंचिदिव शेषवत्सरः / 37 / आविशद्भिरुटजाङ्गण मृगै मूलसेकसरसैश्च वृक्षकैः / आश्रमा: प्रविशदग्र्य (ग्नि) धेनवो बिभ्रति श्रियमुदीरिताग्नयः // 38 / / बद्धकोशमपि तिष्ठति क्षणं सावशेषविवरं कुशेशयम् / षट्पदाय वसति ग्रहीष्यते प्रीतिपूर्वमिन्न दातुमन्तरम् / / 3 / / 25 दूरमग्र (लग्न)परिमेयरश्मिना वारुणी दिगरुणेन भानुना / .. भाति केसरवतेव मण्डिता बन्धुजीवतिलकेन कन्यका / / 40 / /
