________________ (2) कुमारसभवंः चतुर्थः सर्गः ] [ 156 विधिना कृतमधूवैशसं ननु मां कामवधे विमुञ्चता। अनपायिनि संश्रयद्रुमे गजभग्ने पतनाय वल्लरी // 31 / / तदिदं क्रियतामनन्तरं भवता बन्धुजनप्रयोजनम् / विधुरां ज्वलनातिसर्जनान्ननु मां प्रापय पत्युरन्तिकम् // 32 / / 5 शशिना सह याति कौमुदी सह मेघेन तडित्प्रलीयते / प्रमदाः पतिवम॑गा इति प्रतिपन्नं हि विचेतनैरपि / / 33 / / अमुनैव कषायितस्तनी सुभगेन प्रियगात्रभस्मना / नवपल्लवसंस्तरे यथा रचयिष्यामि तनुविभावसौ // 34 / / कुसुमास्तरणे सहायतां बहुशः सौम्य गतस्त्वमावयोः / कुरु संप्रति तावदाशु मे प्रणिपाताञ्जलियाचितश्चिताम् / 35 // तदनु ज्वलनं मर्पितं त्वरयेर्दक्षिणवातवीजनैः / विदितं खलु ते यथा स्मरः क्षणमप्युत्सहते न मां विना / 36 / इति चापि विधाय दीयतां सलिलस्याञ्जलि रेक एव नौ / अविभज्य परत्र तं मया सहितः पास्यति स बान्धवः / / 37 / / 15 परलोकविधौ च माधव स्मरमुद्दिश्य विलोलपल्लवाः / निवपेः सहकारमञ्जरी: प्रियचूतप्रसवो हि ते सखा / / 38 / / इति देहविमुक्तये स्थितां रतिमाकाशभवा सरस्वती। शफरीं ह्रदशोषविक्लवां प्रथमा वृष्टिरिवान्वकम्पयत् / / 3 / / कुसुमायुधपत्नि दुर्लभस्तव भर्ता म चिराद्भविष्यति / शृणु येन स कर्मणा गतः शलभत्वं हरलोचनाचिषि / / 40 / / अभिलाषमुदीरितेन्द्रियः स्वसुतायामकरोत्प्रजापतिः / अथ तेन निगृह्य विक्रियामभिशप्तः फलमेतदन्वभूत् / / 41 / / परिणेष्यति पार्नतीं यदा तपसा तत्प्रवरणीकृतो हरः / उपलब्धसुखस्तदा स्मरं वपुषा स्वेन नियोजयिष्यति / / 42 / / 25 इति चाह स धर्मयाचितः स्मरशापावधिदां सरस्वतीम् / अशनेरमृतस्य चोभयोर्वशितश्चाम्बुधराश्च योनयः / / 43 / /
