________________ 160 ] [ काव्यषट्कं ताददं परिरक्ष शोभने भवितव्यप्रियसंगमं वपुः / रविपीतजला तपात्यये पुनरोधेन हि युज्यते नदी // 44 / / इत्थं रते: किमपि भूतमदृश्यरूपं मन्दीचकार मरणव्यवसायबुद्धिम् / तत्प्रत्ययाच्च कुसुमायुधबन्धुरेनामाश्वासयत्सुचरितार्थपदैर्वचोभिः / / 45 / / (वसंत०) अथ मदनवधूरुपप्लवान्तं व्यसनकृशा परिपालयांबभूव / शशिन इव दिवातनस्य लेखा किरणपरिक्षयधूसरा प्रदोषम् 46 10 // इति श्रीकालिदासकृतौ कुमारसंभवे महाकाव्ये रतिविलापो नाम चतुर्थः सर्गः / / 4 / / // 5 // पञ्चमः सर्गः॥ तथा समक्षं दहता मनोभवं पिनाकिना भग्नमनोरथा सती / निनिन्द रूपं हृदयेन पार्वती प्रियेषु सौभाग्यफला हि चारुता // 1 // (गंशस्थम् ) इयेष सा कर्तुमवन्ध्यरूपतां समाधिमास्थाय तपोभिरात्मनः / अवाप्यते वा कथमन्यथा द्वयं तथाविधं प्रेम पतिश्च तादृशः / 2 / निशम्य चैनां तपसे कृतोद्यमां सुतां गिरीशप्रतिसक्तमानसाम् / उवाच मेना परिरभ्य वक्षसा निवारयन्ती महतो मुनिव्रतान् / 3 / मनीषिताः सन्ति गृहेषु देवतास्तपः क्व वत्से क्व च तावकं वपुः / पदं सहेत भ्रमरस्य पेलनं शिरीषपुष्पं नं पुनः पतत्त्रिणः / / 4 / / इति ध्रुवेच्छामनुशासती सुतां 25 शशाक मेना न नियन्तुमुद्यमात् /
