________________ द्वितीयः सर्गः ] [ 147 भवल्लब्धवरोदीर्णस्तारकाख्यो महासुरः। उपप्लवाय लोकानां धूमकेतुरिवोत्थितः / / 32 / / पुरे तावन्तमेवाऽस्य तनोति रविरातपम् / दीपिकाकमलोन्मेषो यावन्मात्रेण साध्यते / / 33 / 5 सर्वाभिः सर्वदा चन्द्रस्तं कलाभिनिषेवते / नादत्ते केवलां लेखां हरचूडामणीकृताम् / / 34 // व्यावृत्तगतिरुद्याने कुसुमस्तेयसांध्वसात् / न वाति वायुस्तत्पार्श्वे तालवृन्ताऽनिलाऽधिकम् / / 35 // पर्यायसेवामुत्सृज्य पुष्पसंभारतत्पराः / / 10 उद्यानपालसामान्यमृतवस्तमुपासते / / 36 / / तस्योपायनयोग्यानि रत्नानि सरितां पतिः / कथमप्यम्भसामन्तरानिष्पत्तेः प्रतीक्षते // 37 / / ज्वलन्मणिशिखाश्चैनं बासुकिप्रमुखा निशि / स्थिरप्रदीपतामेत्य भुजंगाः पर्युपासते / / 38 / / 15 तत्कृताऽनुग्रहापेक्षी तं मुहुर्दूतहारितैः / अनुकूलयतीन्द्रोऽपि कल्पद्रुमविभूषणैः // 36 // इत्थमाराध्यमानोऽपि क्लिश्नाति भुवनत्रयम् / शाम्थेत्प्रत्यपकारेणं नोपकारेण दुर्जनः / / 40 / / तेनाऽमरवधूहस्तैः सदयालूनपल्लवाः / 20 अभिज्ञाश्छेदपातानां क्रियन्ते नन्दनद्रुमाः / / 41 / / वीज्यते स हि संसुप्तः श्वाससाधारणानिलैः / चामरैः सुरबन्दीनां बाष्पसीकरवर्षिभिः / / 42 / / उत्पाटय मेरुशृङ्गाणि क्षुण्णानि हरितां खुरैः / / आक्रीडपर्वतास्तेन कल्पिताः स्वेषु वेश्मसु / / 43 / / 25 मन्दाकिन्याः पयः शेषं दिग्वारणमदाविलम् / हेमाम्भोरुहसस्यानां तद्वाप्यो धाम सांप्रतम् / / 44 //
