________________ 134 ] [ काव्यषट्के (1) रघुवंशम् // 19 // अथ एकोनविंशः सर्गः॥ अग्निवर्णमभिषिच्य राघवः स्वे पदे तनयमग्नितेजसम् / शिश्रिये श्रुतवतामपश्चिमः पश्चिमे वयसि नैमिषं वशी // 1 // तत्र तीर्थसलिलेन दीर्घिकास्तल्पमन्तरितभूमिभिः कुशैः / 5 सौधवासमुटजेन विस्मृतः संचिकाय फलनिःस्पृहस्तपः // 2 // लब्धपालनविधौ न तत्सुसः खेदमाप गुरुणा हि मेदिनी। भोक्तुमेव भुजनिजितद्विषा न प्रसाधयितुमस्य कल्पिता / / 3 / / सोऽधिकारमभिकः कुलोचितं काश्चनं स्वयमवर्तयत्समाः / संनिवेश्य सचिवेष्वतः परं स्त्रीविधेयनवयौवनोऽभवत् / / 4 / / 10 कामिनीसहचरस्य कामिनस्तस्य वेश्मसु मृदङ्गनादिषु / - ऋद्धिमन्तमधिकद्धिरुत्तरः पूर्वमुत्सवमपोहदुत्सवः / / 5 / / इन्द्रियार्थपरिशून्यमक्षमः सोढुमेकमपि स क्षणान्तरम् / अन्तरेव विहरन्दिवानिशं न व्यपैक्षत समुत्सुकाः प्रजाः // 6 // गौरवाद्यदपि जातु मन्त्रिणां दर्शनं प्रकृतिकाङ्कितं ददौ / तद्गवाक्षविवरावलम्बिना केवलेन चरणेन कल्पितम् // 7 // तं कृतप्रणतयोऽनुजीविनः कोमलात्मनखरागरूषितम् / भेजिरे नवदिवाकरातपस्पृष्टपङ्कजतुलाधिरोहणम् / / 8 / / यौवनोन्नतविलासिनीस्तनक्षोभलोलकमलाश्च दीर्घिकाः। गूढमोहनगृहास्तदम्बुभिः स व्यगाहत विगाढमन्मथः // 6 // तत्र सेकहतलोचनाजनैधौंतरागपरिपाटलाधरैः / अङ्गनास्तमधिकं व्यलोभयन्नर्पितप्रकृतकाभिर्मुखैः / / 10 / घ्राणकान्तमधुगन्धकर्षिणी: पानभूमिरचनाः प्रियासखः / अभ्यपद्यत स वासितासखः पुष्पिताः कमलिनीरिव द्विपः / 11 / सातिरेकमदकारणं रहस्तेन दत्तमभिलेषुरङ्गनाः / 25 ताभिरप्युपहृतं मुखासवं सोऽपिबद्वकुलतुल्यदोहदः / / 12 / /
