________________ श्रुत रत्नरत्नाकरे जीवंतस्स इह जसो, कित्ती य मयस्स परभवे धम्म सुगुणस्स य, निगुणस्स य अजसाऽकित्ती अहम्मो य // 98 // वुढ्डावासेऽवि ठियं, अहव गिलाणं गुरुं परिभवंति / दत्तुव्व धम्मवीमंसएण दुस्सिक्खियं तंपि // 99 // आयरियभत्तिरागो, करस सुनक्खत्तमहरिसीसरिसो। अवि जीविअं ववसिअं, न चेव गुरुपरिभवो सहिओ // 10 // पुण्णेहिं चोइआ पुरक्खडेहिं सिरिभायणं भविअसत्ता / गुरुमागमेसिभद्दा, देवयमिव पज्जुवासंति // 101 // बहुसुक्खसयसहस्साण दायगा मोअगा दुहसयाणं / आयरिआ फुडमेअं, केसिपएसीअ (व) ते हेऊ // 102 // नरयगइगमणपडिहत्थए कए तह पएसिणा रण्णा / अमरविमाणं पत्तं, तं आयरिअप्पभावेणं // 103 // धम्ममइएहिं अइसुंदरेहिं कारणगुणोवणीएहिं / पल्हायंतो य मणं, सीसं चोएइ आयरिओ // 10 // जीअं काऊण पणं, तुरमिणिदत्तस्स कालिअजेणं / अविअ सरीरं चत्तं, न य भणिअमहम्मसंजुत्तं // 105 // . फुडपागडमकहतो, जहट्ठिअं बोहिलाभमुवहणइ / जह भगवओ विसालो, जरमरणमहोअही आसि // 10 // कारुण्णरुण्णसिंगारभावभयजीविअंतकरणेहिं / साहू अविअ मरंति, न य निअनिअमं विराहति // 107 // अप्पहियमायरंतो अणुमोअंतो अ सुग्गई लहइ / रहकारदाणअणुमोअगो मिगो जह य बलदेवो // 10 //
