________________ श्रुत रत्नरत्नाकरे स एवमभिसिद्धे परमबंभे मंगलालए जम्मजरामरणरहिए पहीणासुहे अणुबंधसत्तिवजिए संपत्तनिअसरूवे अकिरिए सहावसंहिए अणंतनाणे अणंतदसणे; से न सहे, न रूवे, न गंधे, न रसे, न फासे, अरूवी सत्ता अणित्यंत्यसंढाणा, अणंतविरिआ, कयकिचा, सव्वाबाहविवजिआ, सव्वहा निरविक्खा, थिमिआ, पसंता; असंजोगिए एसाणंदे, अओ चेव परे मए, अविक्खा अणाणंदे, संजोगो विओगकारणं, अफलं फल मेआओ, विणिवायपरं खु तं, बहुमयं मोहाओ अबुहाणं, जमित्तो विवज्जओ, तओ अणत्था अपज्जवसिआ, एस भावरिऊ परे, अओ वुत्ते उ भगवया; नागासेंण जोगो एअरस, से सरूवसंहिए, नागासमण्णत्थ, न सत्ता सदंतरंमुवेइ; अचिंतमेअं केवलिगम्मं तत्तं, निच्छयमयमेअं विजोगवं च जोगोत्ति न एस जोगो, भिण्ण लक्खणमेअस्स, न इत्थाविक्खा, सहावो खु एसो अणंतसुहसहावकप्पो, उवमा इत्थ न विजइ, तब्भावे अणुभावो परं तस्सेव, आणा एसा जिणाणं सव्वण्णूणं अवितहा एगंतओ, न वितहत्ते निमित्तं, न चानिमित्तं कजंति, निदसणमित्तं तु नवरं; सव्वसत्तुक्खए सव्ववाहिविगमे सव्वसंजोगेणं सव्विच्छासंपत्तीए जारिसमेयं, इत्तोणंतगुणं तं तु भावसत्तुक्खयादितो, रागादओ भावसत्तू, कम्मोदया वाहिणो, परमलद्धीओ उ अट्ठा, अणिच्छेच्छा इच्छा, एवं सुहुममेअं न तत्तओं इयरेण गम्मइ, जइसुहं व अजइणा, आरुग्गसुहं व रोगिणत्ति विभासा, अचिंतमेअं सरूवेणं; साइअपजवसि एगसिद्धाविक्खाए, पवाहओ अणाई, ते वि भगवंतो एवं, तहामव्वत्ताइभावओ, विचित्तमेअंतहाफलभेएण, नाविचित्ते सहकारिभेओ, तदविक्खो तओत्ति, अपेगंतवाओ तत्तवाओ, स खलु एवं, इहरहेगतो,