________________ पंचसुत्त (5) णइ अविगलहेंउभावओ असंकिलिट्ठसुहरूबाओ अपरोवताविणो सुंदरा अणुबंधेणं, न य अण्णा संपुण्णा; तत्तत्तखंडणेणं एअं नाणंति वुच्चइ; एअंमि सुहजोगसिद्धी उचिअपडिवत्तिपहाणा; इत्थ भावो पवत्तगो; पायं विग्घो न विजइ निरणुबंधासुहकम्मभावेण, अक्खित्ताओ इमे जोगा भावाराहणाओ, तहा तओ सम्मं पवत्तइ निप्फायइ अणाउले; एवं किरिआ, सुकिरिआ, एंगंतनिक्कलंका निक्कलंकत्थसाहिआ, तहा सुहाणुबंधा उत्तरुत्तरजोगसिद्धीए; तओ से साहइ परं परत्थं सम्म तक्कुसले; सया, तेहिं तेहिं पगारेहिं साणुबंध महोदए बीजबीजादिट्ठावणेणं, कत्तिविरिआइजुत्ते अवंझसुहचिढे समंतभद्दे सुप्पणिहाणाइहेऊ मोहतिमिरदीवे रागामयविजे दोसानलजलनिही संवेगसिद्धीकरे हवइ अचिंतचिंतामणिकप्पे; स एवं परंपरत्थसाहए तहा करुणाइभावओ, अणेगेहिं भवेहिं विमुञ्चमाणे पावकम्मुणा, पवड्ढमाणे अ सुहभावेहिं अणेगभविआए आराहणाए पाउणइ सव्वुत्तमं भवं चरमं अचरमभवहेउ अविगलपरंपरत्थनिमित्तं, तत्थ काऊण निरवसेसं किञ्चं बिहूअरयमले सिज्झइ बुज्झइ मुञ्चइ परिनिव्वाइ सव्वदुक्खाणमंतं करेइ // . . इह पवजापरिपालाणासुत्तं सम्मत्तं // 4 //
