________________ // सिरिचिरंतनायरिय-विरइयं सिरिपंचसुत्तं // तत्थ पठमं सुत्तं णमो वीअरागाणं सव्वण्णूणं देविंदपूईआणं जहट्ठिअवत्थुवाईणं तेलुक्कगुरूणं अरुहंतागं भगवंतागं, जे एवमाइक्खंति-इह खलु अणाइ जीवे, अणाइ जीवरस भवे, अणाइ कम्मसंजोगनिव्वत्तिए, दुक्खरूवे, दुक्खफले, दुक्खाणुबंधे; एअस्स णं वुच्छित्ती सुद्धधम्माओ, सुद्ध धम्मसंपत्ती पावकम्मविगमाओ, पावकम्मविगमो तहाभव्वत्ताइभावओ; तस्स पुण विवागसाहणाणि चउसरणगमणं दुक्कडगरिहा सुकडाण सेवणं; अओ कायव्वमिणं होउकामेणं सया सुप्पणिहागं भुजो भुजो संकिलेसे, तिकालमसंकिलेसे; जावजीवं मे भगवंतो परमतिलोगनाहा अगुत्तरपुन्नसंभारा खीणरागदोसमोहा अचिंतचिंतामणी भवजलहिपोआ एगंतसरणा ‘अरहंता सरणं; तहा पहीणजरामरणा अवेअकम्मकलंका पणट्ठवाबाहा केवलनाणदसणा सिद्धिपुरनिवासी निरुवमसुहसंगया, सव्वहा कयकिच्चा सिद्धा सरगं; तहा पसंतगंभीरासया सावजजोगविरया पंचविहायारजाणगा परोवयारनिरया पउमाइनिंदसणा झाणज्झयणसंगया, विसुज्झमाणभावा साहू सरणं; तहा सुरासुरमणुअपूइओ मोहतिमिरंसुमाली रागद्दोसविसपरममंतो, हेऊ सयलकल्लाणाणं, कम्मवणविहावसू, साहगो सिद्धभावस्स, केवलिपण्णत्तो धम्मो जावज्जीवं मे भगवं सरणं, सरणमुवगओ अ एएसिं / साहू सरणे, तहा एसयलकहाणाणं, काजावं मे भगवं
