________________ भत्तपरिणापयन्नो (3) woman सल्लं उद्धरिअमणो संवेगुव्वेअतिव्वसद्धाओ। जं. कुणइ सुद्धिहेउं सो तेणाराहओ होइ // 21 // अह सो आलोअणदोसवजिअ उज्जुअं जहाऽऽयरिअं। बालुव्व बालकालाउ देह आलोअणं सम्मं // 22 // ठविए पायच्छित्ते गणिणा गणिसंपयासमग्गेणं / सम्ममणुमन्निअ तवं अपावभावो पुणो भणइ // 23 // दारुणदुहजलयर-निअरभीमभवजलहितारणसमत्थे / निप्पञ्चवायपोए महव्वए अम्ह उक्खिवसु // 24 // जइऽवि स खंडिअचंडो अखंडमहव्वओ जई जइवि / पव्वज्जवउट्ठावणमुट्ठावणमरिहइ तहावि // 25 / / पहुणो सुकयाणत्ति भव्वा पञ्चप्पिणंति जह विहिणा। जावजीवपइण्णाणत्तिं गुरुणो तहा सोऽवि // 26 // जो साइआरचरणो आउट्टिअदंडखंडिअवओ वा / तह तस्स विसम्ममुट्ठिअस्य उट्ठावणा भणिआ // 27 // तत्तो तस्स महव्वयपव्वयभारोनमंतसीसस्स / सीसस्स समारोवइ सुगुरूवि महव्वए विहिणा // 28 // अह हुज्ज देसविरओ सम्मत्तरओ रओ अ जिणधम्मे। . तस्सवि अणुव्वयाइं आरोविजंति सुद्धाइं // 29 // अनियाणोदारमणो हरिसवसविसट्टकंचुयकरालो। . पूएइ गुरुं संघं साहम्मिअमाइ भत्तीए // 30 // निअदव्वमपुवजिणिंदभवणजिणबिंबवरपइट्ठासु / विअरइ पसत्थपुत्थयसुतित्थतित्थयरपूआसु // 31 //
