________________ श्रुतरत्नरत्नाकरे जाले बद्वो सत्येण किंदिउं हुयवहम्मि परिमुक्को। . . . भुत्तो य अगज्जेहिं जं मच्छभवे तयं सरसु // 229 / / छेत्तूण निसियसत्थेण खंडसो उक्कलंततेल्लम्मि / तलिऊण तुट्ठहियएंहि त भुत्तो तहिं चेव // 230 / / जीवोऽवि हु उवरिं दाउं दहणस्स दीगहियओ य / काऊण भडित्तं भुंजिओऽसि तेहिं चिय तहिपि / / 231 / / अन्नोऽन्नगसणवावार निरय अइकूर जलयरारद्धो / तसिओ गसिओ मुक्को लुक्को ढुक्को य गिलिओ य / / 232 // बिडिसग्गनिसिय आमिसलवलुद्धो रसणपरवसो मच्छो। गलए विद्धो सत्थेण किंदिउं भुंजिउं भुत्तो // 233 // पियपुत्तोऽवि हु मच्छत्तणपि जावो खुसित्तगहवइणा / बिडिसेण गले गहिओ मुणिणा मोयाविओ कह वि // 234 // पक्खिभवेसु गसंतो गसिज्जमाणो य सेसपक्खीहिं / दुक्खं उपायंतो उप्पन्नदुहों य भमिओसि / / 235 / / खरचरणचवेडाहि य चंचुपहारेहिं निहणमुवणेतो। निहणिजंतो य चिरं ठिओ सि ओलावयाईसु // 236 // पासेसु जलियजलणेसु कूज (कड्ढं) तेसु य आमिसलवेसु / पडओ अन्ना गंधो बद्धो खद्धो निरुद्धो य // 237 / / पडिकुक्कुडनहरपहारफुट्टनयणो विभिन्नसव्वंगो। निहगं गओसि बहुसोवि जीव ! परकोउयकएण / ! 238 // . झीगो सरिउं सपिययमाए रमियाइं सालिंछेत्तेसु / .. . खित्तो गोत्तीइ व पंजरहिओ हंत कीरत्ते // 239 // .
