________________ 131 भवभावना हरिणो हरिणाएँ कए न पियइ हरिणीवि हरिणकजेण / तुच्छजले बुड्डमुहाई दोवि समयं विवन्नाइं // 218 // एत्थ य हरिणत्ते पुप्फचूलकुमरेण जह सभजेण / दुहमणुभूयं तह सुणसु जीव ! कहियं महरिसीहिं // 219 // पजलियजलगजालासु उवरि उल्लंबिऊण जीवंतो। भुत्तोऽसि भुंजिउं सूयरत्तणे किह न तं सरसि ? // 220 // गहिऊग सवणमुच्छल्लिऊण वामाओ दाहिणगमम्मि / सुणयम्मि तओ ताव विद्धो सेल्लेण निहणगओ // 221 // उप्पन्नरस पिउस्सवि भवपरियत्तीइ सूयरत्तेण / पिट्ठिमंसक्खाई रायसुओ बोहिओ मुणिणा // 222 // लुद्धो फासंमि करेणुयाए वारीऍ निवडिओ दीणो। झिज्जइ दंती नाडयनियंतिओ सुक्खरुक्खम्मि // 223 // विंझरमियाइं सरिउ झिजतो निविडसंकलाबद्धो। विद्धो सिरम्मि सियअंकुसेण वसिओ सि गयजम्मे // 224 // सोऊण सीहनायं पुट्विपि विमुक्क, जीवियासस्स / निवडंतसीहनहश्स्स तत्थ किं तुह दुहं कहिमो ? // 225 // भिसिणाबिसाई सल्लइ-दलाई सरिऊण जुन्नघासरस / कवले गिण्हंतो आरियाइहिं कहकह न विद्धोसि ? // 226 // पडिकुंजरकढिणचिहुट्ठ दसणक्खयगलियपूयरुहिरोहो / परिसकिरकिमिजालो गओसि तत्थेव पंचत्तं // 227 // जूहवइत्ते पजलियवणदावे निरवलंबचरणस्स / मेहकुमारस्स व दुहमणंतसो तुह समुप्पन्नं // 228 / /
