________________ भवभावना लावयतित्तिरअंडयरसवसमाईणि पियसि अइगिद्धो। इण्हि पुण पोक्कारसि अइदुसहं दुक्खमेयंति // 130 // अलिएहिं वंचसि तया कूडक्यमाइएहि मुद्धजणं / पेसुन्नाईणि करेसि हरिसिओ पलवसि इयाणिं // 131 // तइया खणेसि खत्तं घायसि वीसंभियं मुससि लोयं / परधणलुद्धो बहुदेसगामनगराई भंजेसि // 132 // तणावि पुरिसयारेण विणडिओ मुणसि तणसमं भुवणं / परदव्वाण विणासे य कुणसि पोकरसि पुण इहि // 133 // मा हरसु परधणाइंति चोइओ भणसि धिट्टयाए य / सव्वस्स वि परकीयं सहोयरं कस्सइ न दव्वं // 134 // तइया परजुवईणं चोरियरमियाइं मुणसि सुहियाई / अइश्त्तोऽवि य तासिं मारसि भत्तारपमुहे य // 135 // सोहग्गेण य नडिओ कूडविलासे य कुणसि ताहिं समं / इण्हि तु तत्ततंबयधिउल्लीयाणं पलाएसि // 136 // परकीयच्चिय भज्जा जुज्जइ निययाइ माइ-भगिणीओ। एवं च दुब्वियड्ढत्तगव्विओ वयसि सिक्खविओ // 137 // पिंडेसि असंतुट्ठो बहुपावपरिग्गरं तया मूढो / आरंभेहि य तूससि रूससि किं एत्थ दुक्खेहिं ? // 138 // आरंभपरिग्गहवज्जियाण निव्वहइ अम्ह न कुडुम्बं / इय भणियं जस्स कए आणसु तं दुहविभागत्थं / / 139 // भरिउं पिपीलियाईण सीवियं जइ मुहं तुहऽम्हेहिं / तो होसि पराहुत्तो भुंजसि रयणीई पुणमिढें // 140 //
