________________ भवभावना mmmmmmmmmmmmmmmmmmmmmmmmmmmmmmmmmm धणसयणबलुम्मत्तो निरत्थयं अप्प ! गव्विओ भमसि / जं पंचदिणाणुवरिं न तुमं न धणं न ते सयणा // 20 // कालेण अगंतेणं अणंतबलचक्किवासुदेवावि / पुहईए अकंता कोऽसि तुमं ? को य तुह विहवो ? // 21 // भवणाई उववणाई सयणासणजाणवाहणाईणि / निच्चाई न कस्सइ न विय कोइ परिरक्खिओ तेहिं // 22 // मायापिईहिं सहवटिएहिं मित्तेहिं पुत्तदारेहिं / एगयओ सहवासो.पीई पणओ वि य अणिच्चो // 23 // बल-रूव-रिद्धि-जोव्वण पहुत्तणं सुभगया अरोयत्तं / इटेहि य संजोगो असासयं जीवियव्वं च // 24 // इय जं जं संसारे रमणिज्जं जाणिऊण तमणिच्च / निच्चम्मि उज्जमेसु धम्मे च्चिय बलिनरिंदो व्व // 25 // रोयजरामच्चु मुहागयाण-बलिचक्कि केसवाणं पि / भुवणेऽवि नत्थि सरणं एकं जिणसासणं मोत्तुं // 26 // जरकाससाससोसाइ परिगयं पेच्छिऊण घरसामि / जाया जणणिप्पमुहं पासगयं झूरइ कुडुम्बं // 27 // न विरिंचई पुण दुक्खं सरणं ताणं च न हवइ खणंपि / वियणाओं तस्स देहे नवरं वड्डंति अहियाओ // 28 // बहुसयणाण अणाहाण वावि निरुवायवाहि विहुराणं / दुण्हंपि निव्विसेसा असरणया विलवमाणाणं // 29 // विहवीण दरिदाण य सकम्मसंजणिय रोय तवियाणं / कदंताण सदुक्खं को णु विसेसो असरणत्ते ? // 30 //
