________________ ॥मलधारी सिरिहेमचन्दसूरि रइया भवभावना॥ णमिऊण णमिर सुरवर मणी मउड फुरंत किरण कब्बुरिअं। बहुपुन्नंकुरनियरंकियं व सिरिवीर पय कमलं // 1 // सिद्धंत सिंधुसंगयसुजुत्ति सुत्तीण संगहेऊणं / मुत्ताहलमालंपिव रएमि भवभावणं विमलं // 2 // संवेअमुवगयाणं भावंताण भवन्नवसरुवं / कमपत्तकेवलाणं जायइ तं चेव पच्चक्खं // 3 // संसारभावणा चालणीइ सोहिज्जमाण भवमग्गे / पावति भव्वजीवा नट्ठ व विवेयवररयणं // 4 // संसारसरूवं चिय परिभावतेहिं मुक्कसंगेहिं / सिरिनेमिजिणाईहिवि तह विहिअं धीरपुरिसेहिं // 5 // भवभावणनिस्सेणिं मोत्तुं च न सिद्धिमंदिरारुहणं / भवदुह निविण्णाणऽवि जायइ जंतूण कइयावि // 6 // तम्हा घरपरियणसयणसंगयं सयल दुक्खसंजणयं / मोत्तुं अट्टज्झाणं भावेज सया भवसरूवं // 7 // भवभावणा यं एसा पढिज्जए बारसण्ह मज्झम्मि / ताओ य भावणाओ बारस एयाओ अणुकमसो // 8 //
