________________ // सिरिसंतिसूरिविरइयं धम्मरयणपगरणं // नमिऊण सयलगुणरयणकुलहरं विमलकेवलं वीरं / धम्मरयणत्थिआणं जणाण वियरेमि उवएसं // 1 // भवजलहिम्मि अपारे दुलहं मणुयत्तणंपि जंतूणं / / तत्थवि अणत्थहरणं दुलहं सद्धम्मवररयणं // 2 // जह चिंतामणिरयणं सुलहं न हु होइ तुच्छविहवाणं / गुणविभववज्जियाणं जियाण तह धम्मरयणंपि // 3 // इगवीसगुणसमेओ जोग्गो एयस्स जिणमए भणिओ। तदुवजणंमि पढमं ता जइयव्वं जओ भणियं // 4 // धम्मरयणस्स जोग्गो अक्खुद्दो रूववं पयइसोमो / लोगप्पिओ अकूरो भीरू असढो सुदक्खिन्नो // 5 // लजालुओ दयालू मज्झत्थो सोमदिट्टि गुणरागी। सक्कह सुपक्खजुत्तो सुदीहदरिसी विसेसन्नू // 6 // वुड्ढाणुगो विगीओ कयन्नुओ परहियत्थकारी य / तह चेव लद्धलक्खो इगवीसगुणेहिं संपन्नो // 7 //