________________ यैर्जातोऽसौ महाभागः, श्रितश्चाशयशुद्धितः / तेषां निश्चयभाजां स्याद्, विवादः केन हेतुना . // 1057 // रक्तं द्विष्टं तथा मूढं, मूढास्तं कल्पयन्ति ये / भावनाज्ञानभाजस्तांस्तारयन्ति कृपापराः // 1058 // श्रुतज्ञानाद् विवादः स्यान्मतावेशश्च चिन्तया / . . माध्यस्थं भावनाज्ञानात्, सर्वत्र च हितार्थिता // 1059 // तदेकस्तात्त्विको देवः प्रोक्तस्ते ये भजन्त्यमी / सामान्यतो विशेषाद् वा, योगिनोऽसद्ग्रहोज्झिताः // 1060 // धर्मोऽपि तात्त्विको ह्येकः, शुद्धः शुद्धगुणात्मकः / हेतुः कल्याणमालानां, विज्ञेयो मोक्षकातिभिः // 1061 // क्षमामार्दवसच्छौचतप:संयममुक्तयः / सत्यब्रह्मार्जवत्यागा, अमी धर्मगुणा दश। // 1062 // विवदन्ते न सद्धर्म, ज्ञात्वैतं दशलक्षणम् / वारयन्ति बुधाः किन्तु, तद्विपर्ययकल्पकम् // 1063 // प्रोक्तस्तदेक एवायं, सद्धर्मः सार्वतान्त्रिकः / ... एक एव च विज्ञेयो, मोक्षमार्गोऽपि तात्त्विकः // 1064 // सत्त्वं लेश्याविशुद्धिर्वा, शक्तिवीर्यं तथाऽऽत्मनः / इत्यादिशब्दभेदेऽपि, नार्थतः स विभिद्यते // 1065 // अदृष्टं कर्म संस्कारः, पुण्यापुण्ये शुभाशुभे / धर्माधर्मों तथा पाशः, पर्यायाः सुकृताश्रयाः // 1066 // भवन्ति हीयमानेऽस्मिन्, सर्वा भवविपत्तयः / भूतयो वर्द्धमानेऽस्मिन्, सर्वाः प्रादुर्भवन्ति च // 1067 // इदमेव परे प्राहुश्चतुष्कोटिविशुद्धिमत् / ऐश्वर्यज्ञानवैराग्यधर्मरूपास्तु कोटयः // 1068 // रजस्तमोभ्यां संछन्नं, सत्त्वं यन्न प्रकाशते / . ऐश्वर्यादिगुणास्तेन, जन्तोर्यान्ति विपर्ययम् // 1069 // 204
