________________ यथाऽहो मे परं तेजो, ममाहो गौरवप्रथा / अहो युगप्रधानोऽहं, कोऽपि नैवास्ति मत्संमः // 552 // अमात्योऽपि जगत् त्यक्त्वा, कलाः सर्वाः समागताः / . . अहंपूर्विकया तीर्थे, मय्येव प्रियमेलके // 553 // प्राक्पर्याये नरेन्द्रोऽहमधुना सूरिपुङ्गवः / जात्यहेम्न इवोद्दीप्तिः कदा जाता न मे गुणैः // 554 // महान् वंशो महद्धैर्य, महती धीमहत्तपः / महान् मम प्रतापश्च, महत्तां सकलं महत् // 555 // ईदृग्विकल्पशिखरैर्वर्धमानैर्यथोत्तरम् / .. ममानन्तानुबन्धेन, शैलराजो व्यजृम्भत // 556 // ज्ञानावरणमिथ्यात्वे, महागहनसन्निभे / नियतस्थितिके तत्र, ताभ्यां क्षिप्तस्तमस्यहम् // 557 // शास्त्रार्थं तद्विलासेन, विदन्नपि न वेम्यहम् / पठामि पाठयाम्यन्यं, व्याचक्षे शून्यचेतसा // 558 // तथाभूतस्य मे भ्रष्टं, सार्द्ध पूर्वचतुष्टयम् / .. शेषज्ञानं तु नो नष्टं, विपर्यस्तं तु मोहतः / / 559 // अत्रान्तरे नदीपूर्णा, चित्तवृत्तौ च वाहिता / प्रमत्तताऽऽख्या, रिपुभिर्व्याक्षेपावर्तभीषणा - // 560 // गौरवाणि व्यजृम्भन्त, ततो मयि विशेषतः / कुभावनास्तदुत्कर्षान्ममाभूवन् सहस्रशः // 561 // सन्ति मे विपुला वस्त्रपात्रपुस्तकसम्पदः / महाजनानां नेताऽहं, प्राज्ञाः शिष्या ममेदृशाः // 562 // प्रत्यासीदन्ति मां सर्वाः, सिद्धयश्चाणिमादिकाः / इति प्राप्तर्द्धिदृप्तेन, मयेष्टाऽनागतापि सा // 563 // 232
