________________ जगृहेऽथ मया दीक्षा, धर्मबन्धुमहामुनेः / समीपे तेन सार्द्धं च, विहतोऽभ्यस्तसत्क्रियः // 528 // जातः स्वल्पेन कालेन, द्वादशाङ्गाब्धिपारगः / सदागमस्थितिः काऽपि, न स्थिता मदगोचरे // 529 // ततोऽधिगतसूत्रार्थो, धर्मबन्धुमुनीन्दुना। समक्षं सर्वसङ्घस्य, स्थापितोऽहं पदे निजे - // 530 // आचार्यपददाने मे, देवदानवमानवैः / कृतो महोत्सवो विश्वमनोविस्मयकारणम् // 531 // धन्योऽसि कृतकृत्योऽसि, प्रोद्धर्ता जगतामसि / . ज्ञातः सदागमो येन, संस्तुतो गुरुणेत्यहम् // 532 // मुनयो मानवा देवाः, सर्वे मे नम्रतां गताः / गुणैरावर्जिताः सन्तः, कुन्दपूर्णेन्दुनिर्मलैः विनीताः पण्डिताः शिष्याः, बभूवुर्बहवो मम / पुरः स्फुरन्ति नो येषां, वाचो वाचस्पतेरपि // 534 // विद्यार्थिनः श्रिताः शिष्याः, मामागत्य गणान्तरात् / सौरभाकाङ्गिणः पद्मं, भृङ्गा इव लतान्तरात् // 535 // मत्तर्कवादमाकर्ण्य, सिंहनादमिवोद्धतम् / दुर्वादिमत्तमातङ्गैर्दूरादेव पलायितम् || 536 // स्वशास्त्रभासः प्रथितास्तेजोभानोर्ममोदये / छनाश्च परशास्त्रार्था, ग्रहांशव इवाभवन् // 537 // मद्देशनासुधां भव्या, ग्रामाकरपुरादिषु / विततैः श्रोत्रचुलुकैः, पायंपायं मुदं ययुः // 538 // मद्यशःपटहध्वानः, पूर्णं ब्रह्माण्डमण्डलम् / . . दिशः सर्वा अपि व्याप्ताः, प्रसरद्भिर्गुणैर्मम // 539 // / 230
