________________ // 72 // // 73 // // 74 // // 75 // // 76 // // 77 // तेनाद्य प्रातरुक्तं तौ, सिद्धविद्यौ समागतौ / दुष्टधीर्मन्त्रयन्नेवमचलश्चपलं जगौ योद्धव्यं रत्नचूडेन, सार्द्ध सत्त्ववता मया / भवता हरणीया च, तरसा रत्न(चूत)मञ्जरी निशम्यैतन्मया ध्यातं, निराकार्याविमौ मया / सविद्यौ न पुनर्मातुःष्वसुः पुत्रौ वधोचितौ दुःशीलश्चपलश्चायं, गृहीत्वा चूतमञ्जरीम् / विनाशयेद् यदि तदा, ध्रुवं स्याल्लाघवं मम न चान्योऽस्ति सहायो, यस्त्रायते चूतमञ्जरीम् / ततोऽपक्रमणं श्रेय, इत्यहं निर्गतो गृहात् क्रीडानन्दनमायातो, गृहीत्वा चूतमञ्जरीम् / . मयेदं बहुशो दृष्टं, तल्लीनोऽत्र लतागृहे तावदेवानुमार्गेण, तावायातौ दुराशयौ / . अचलेनाहमाहूतः, स च युद्धे मया जितः मया प्रोत्तेजितो वाक्यैः, खरैर्नष्टोऽनुगच्छता / वलित्वा सम्मुखं लग्नो, योद्धं बद्धो मया बलात् आस्फोटितः क्षितौ प्राप, चूर्णिताङ्गः कदर्थनाम् / गलितं पौरुषं दैन्यं, जातं विद्या ययुर्लयम् मया ध्यातं तथा जातं, यथा न पुनरेव्यसौ / हतं मुष्ट्या परं व्योम, कण्डिताश्च तुषा मया अस्याहं पृष्ठतो लग्नो, यत् त्यक्त्वा चूतमञ्जरीम् / सा मरिष्यति भीत्यैव, चपलो वा हनिष्यति यद्वा हृत्वैव तां बालां, गतो दुष्टः स कुत्रचित् / ततोऽधुना क्वयातीति, विचिन्त्य वलितो द्रुतम् / // 78 // // 79 // // 80 // // 81 // // 82 // // 83 //
