________________ बहवः सन्ति तल्लोकाः, पञ्च संग्राहकाः परम् / ... प्रमादो योगमिथ्यात्वे, कषायाविरती तथा // 216 // अनादिसंसारवशाद्, बन्धहेतुकुटुम्बकम् / इदं च जीवचट्टानां, हितकृत् प्रतिभासते // 217 // छात्रभोजनतुल्यं तत्, कर्म सम्पादयत्यलम् / भुञ्जन्ते जीवचट्टास्तन्मोहमन्त्रेण संस्कृतम् // 218 // अनायतिज्ञास्ते तेन, पूरयन्त्युदरं निजम् / तद्विपाकाद् यदज्ञानं, प्राप्नुवन्ति सुदारुणम् // 219 // अनभिग्रहमिथ्यात्वसन्निपातोऽयमिष्यते / अनेनैकेन्द्रियत्वे स्युः, काष्ठवन्नष्टचेतना: // 220 // भृशं घुरघुरायन्ते, द्वीन्द्रियत्वे च जन्तवः / त्रीन्द्रियत्वे च लोलन्ते, भुक्तदोषादितस्ततः // 221 // चतुरक्षासंज्ञिपञ्चेन्द्रियत्वे च वितन्वते / तामेव चेष्टामधिकां, भृशं झगझगायितम् // 222 // गर्भजत्वे वितन्वन्ति, तेऽपर्याप्ता भवन्ति च / रुद्धकण्ठाः स्तब्धजिह्वा, भूरिदुःखौघविह्वला: // 223 // बाध्यन्ते तापशीताद्यैर्गताश्च नरकेषु ते / / आपन्नाः पशुभावं च, चेतयन्ते न किञ्चन // 224 // मनुष्यत्वे च मुह्यन्ति, देवत्वे शेरते भृशम् / दारुणा जीवचट्टानां, दशेयं सन्निपातजाः // 225 // ये तु स्वाभिनिवेशेन, विपरीतं जिनागमात् / एकान्तक्षणिकाद्यर्थं, मन्यन्ते कुनयाश्रिताः // 226 // आभिग्रहिकमिथ्यात्वोन्मादस्तेषामसौ स्मृतः / . सन्मार्गदूषणात् ते हि, प्रलपन्तीव विह्वलाः . . // 227 // 930
