________________ एकाक्षनिलये त्वेषा, तया गुटिकयाऽकरोत् / पर्याप्तकमपर्याप्तं, व चित्सूक्ष्मं च बादरम् // 199 // साधारणं च प्रत्येकं, फलपुष्पाङ्कुरादिकम् / / मूलत्वक्स्कन्धशाखादि, मूलबीजलतादिकम् // 200 // छिनो भिन्नश्च लूनोऽहं, लोकैः पिष्टश्च तादृशः / दृष्टोऽप्युपेक्षितो हन्त, भवितव्यतया तया / // 201 // साऽथान्त्यगुटिकायां मां, जीर्णायां क्षितिपाटके / दत्त्वाऽन्यामनयत् तत्रासंख्यकालमहं स्थितः // 202 // सूक्ष्मादिभेदभाक् तत्र, चूर्णितो दलितो जनैः / एवं जलाग्निपवनेष्वेकाक्षनिलये धृतः // 203 // स्थानाजीर्णमथैच्छन्मेऽपनेतुं भवितव्यता / विकलाक्षनिवासाख्ये, नगरेऽहं तया धृतः // . 204 // नियुक्तो भूभुजा तत्र, द्वीन्द्रियादित्रिपाटके / त्राताऽस्ति शल्यसंपर्को, मायापरिणतिप्रियः // 205 / प्रथमे पाटके तत्र, भार्यया द्वीन्द्रियाभिधे / / मनाक् विस्पृष्टचैतन्यः, कृमिरूपोऽशुचिः कृतः // 206 // मूत्रान्त्रक्लिन्नजठरे, विलुठन्तं च वर्चसि / मां दृष्ट्वा कृमिभावेन, सा दुर्भार्या प्रहष्यति // 207 // जलूकाभावमापाद्य, गुटिकायाः प्रभावतः / विडम्बितस्तया रोगिरक्ताकर्षणकर्मणा // 208 // छेदितो गुटिकादानाच्छवं कृत्वाऽथ शाङ्खिकैः। . नर्तितः पूतरीकृत्य, बहुधैवं विडम्बितः . // 209 // कुलानां कोटिलक्षेषु, पाटके सप्तसु स्थितः / तत्रासंख्यैरहं रूपैरटन् बहुतरं रटन् - // 210 //
