________________ ततो येन मया बुद्धमियद्भावार्थसंयुतम् / .. नृपं तत्परिवारं च, सोऽहं भोत्स्ये न संशयः // 1308 // बोधावष्टम्भतोऽथाह, स पुरो ब्रूहि मातुल ! / स प्राह वत्स ! राजाऽयं, चतुर्वदनभूषितः // 1309 // चारित्रधर्मो विख्यातोऽनन्तवीर्यो जगद्धितः / समृद्धः कोशदण्डाभ्यां, गुणरत्नमहोदधिः (युग्मम्) // 1310 // वक्त्राणि दानं शीलं च, तपः शुद्धं च भावनम् / / अस्यैषां कीर्तयाम्युच्चैः, स्वरूपं ते, पृथक् पृथक् // 1311 // दापयत्यभयज्ञानं, धर्मोपष्टम्भकं तथा / दानं दानाभिधं वक्त्रं, दुष्टं दानं न जल्पति // 1312 // अष्टादश सहस्राणि, शीलाङ्गानि प्रभाषते / शीलास्येन नृपो यानि, तानि बिभ्रति साधवः // 1313 // निनिदानं निराबाधं, ज्ञानसंवेगगर्भितम् / अभिधत्ते तपोवक्त्रं, शमशर्मकरं तपः // 1314 // भाव्या भवस्य नाशार्थमनित्यत्वादिभावनाः / इत्याह भूपतेः पूतमाननं शुद्धभावनम् // 1315 // मुखैश्चतुर्भिर्भूपोऽयं, लोकानां हितमादिशन् / एभिः सौख्याय सर्वेषां, पीयूषं कस्य दुःखदम् // 1316 // अर्धासने निविष्टाऽस्य, दृश्यते या मृगेक्षणा / भार्येयं विरतिर्नाम, भूपतेर्भाग्यशालिनः // 1317 // धर्मकर्णान्तविश्रान्तज्ञानदर्शनचक्षुषः / / निरीक्ष्य रूपमेतस्या, न मज्जन्ति सुधासु के // 1318 // समानगुणवीर्येयं, भूभुजाऽनेन वर्णिनी। .. . हृदयानन्दजननी, कल्पवल्लीव कामदा . // 1319 / / 240
