________________ // 7 // // 8 // // 9 // // 10 // // 11 // // 12 // अन्नं च मए लद्धो अइदुलहो लोयलोयणसमाणो। माणगिरिकुलिसदंडी पयंडपासंडनिद्दलणो अइसयरयणजलनिही दुज्जणजणदुलहदंसणो धणियं / भवियजियकमलसूरो सासयसुहनीरवरपूरो कम्मकलंकविमुक्को कसायदवतवियभवियजलवाहो / तिहुयणलच्छीवच्छत्थलम्मि अइनिम्मलो हारो उग्गतवतेयतरणी पुड(र)पयडियमोक्खपवरपुरसरणी। चंदकरधवलकित्ती लीलाए दिनजियमुत्ती केवलपईवपयडियजीवाजीवाइवत्थुपरमत्थो / रागाइविजयवीरो देवो तित्थंकरो वीरो जिणभणियवयणनिरया विरया सव्वेहिं पावठाणेहिं / एत्तो च्चिय पंचमहव्वयाण परिपालणे पवणा मणवयणकायगुत्ता पुत्ता सीमंतिणीण सव्वाणं। . अनिययविहाररसिया वसिया गुरुपायमूलम्मि तित्थयरभणियवयणाणुसारिसद्धम्मदेसणपहाणा / पडिखलियपंचपाणा निरंतरुल्लासिसुहझाणा सीलंगमहाभरधारणम्मि धुरधवलधीरिमं पत्ता / रागाइवेरिवसवत्तिजंतुपरिमोयणे सत्ता गुणिमणकमलवियासणपयंडमायंडसंनिहसहावा / संपत्तां सुहगुरुणो दुहतरुणो खंडणा धीरा ता जीव ! तं कयत्थो कयपुन्नो मंगलाण आवासो / माणुसजम्मस्स फलं तुब्भ च्चिय करयले चडियं जं तुमए रयणत्तयमिणमो संपावियं महाभाग ! / नहि पुनविहीणाणं निहाणलाभो जए होइ 236 // 13 // // 14 // // 15 // // 16 // // 17 // // 18 //
