________________ क्वचित् पापिजनाकीर्णं, क्वचिद् धर्मनयान्वितम् / ' चरित्रैविविधैः पूर्णमन्तरङ्गमहीभुजम् .. // 1068 // द्वितीयं चारु संतानमन्दारहरिचन्दनैः / रत्नहाटकसंघातघटितानेकपाटकम् .. // 1069 // मणिप्रभाहतध्वान्तं, नित्यालोकं विराजितम् / / . चलत्कुण्डलकेयूरमौलिहारप्रभास्वरैः // 1070 // रतिसागरनिर्मग्नैरम्लानवनदामभिः / नित्यप्रमुदितैर्देवैरप्सर परिरम्भिभिः (त्रिभिविशेषकम्) // 1071 // साताख्यं कृतवान् कर्मपरिणामोऽत्र नायकम् / तेनेदं सतताह्लादं, शान्तविघ्नविनायकम् // 1072 // ईर्ष्याशोकभयक्रोधलोभमोहमदभ्रमैः / परीतमपि मुग्धानां; भाति रम्यमिदं, पुरम् // 1073 // तेनेत्थं वर्णितं दुःखाकुलितं परमार्थतः / विवेकशिखरस्थानामिदमप्यवभासते // 1074 // तृतीयं क्षुत्पिपासाभीबन्धोद्वेगप्रपीडितैः / . जनैरनन्तैः संकीर्णं, महामोहवशीकृतैः // 1075 // चतुर्थे तु पुरे लोका वसन्ति तमसावृताः / नायकोऽत्र कृतोऽसातवेद्याख्यो मोहभूभुजा . // 1076 // तत्र लोकाः कदर्थ्यन्ते, परमाधार्मिकासुरैः / पाय्यन्ते तप्तताम्राणि, दार्यन्ते क्रकचोत्करैः // 1077 // खाद्यन्ते निजमांसानि, दह्यन्ते प्रबलाऽग्निना / भृज्ज्यन्ते तत्र तार्यन्ते, क्रूरां वैतरणी नदीम् // 1078 // शाल्मलीरभिरोह्यन्ते, विकट वज्रकण्टकैः / / कुन्ततोमरनाराचैश्छिद्यन्ते च सहस्रशः (त्रिभिविशेषकम्) | // 1079 // 20.
