________________ प्रियं वक्तुं महीशस्य, सुतजन्ममहोत्सवम् / वक्षोजभारनम्राऽपि, ययौ वेगात् प्रियंवदा // 852 // निवेदिते तया राजा प्रणयी पुत्रजन्मनि / हर्षाङ्कुरैरिवाकीर्णं, वपुरुत्पुलकं दधौ || 853 // आयातोऽत्रान्तरे मिथ्याभिमानस्तस्य संनिधौ, / दध्यावधिष्ठितस्तेन, हृदीत्थं रिपुकम्पनः / / 854 // अहो जातः कृतार्थोऽहं, प्राप्तो वंशो ममोन्नतिम् / प्रसन्ना देवता मह्यं, मया लब्धं जनुःफलम् // 855 // हारकुण्डलकेयूरकटकादि ददौ ततः / . निवेदिकायै दीनारलक्षं चासौ प्रमोदभाक् // 856 // समुल्लसितगात्रेण, प्रेमगद्गदभाषिणा / / कारितो विपुलस्तेन, संतजन्ममहोत्सवः' // 857 // प्रवृद्धे हर्षपाथोधौ, सुतेन्दूल्लासतस्ततः / धीरो वीचिध्वनिरिवोत्थितस्तूर्यध्वनिः क्षणात् // 858 // कश्मीरजन्मकस्तूरीसम्मर्दकृतकर्दमम् / लसदंशुमणिवातविडम्बितरविप्रभम् // 859 // हसत्कञ्चुकिकं नृत्यत्कुब्जवामनशोभनम् / त्रुटद्धारलताकीर्णं, दीयमानधनोन्मदम् // 860 // विलासिनीकृतोल्लासं, रम्यं वेषोद्भटैटैः / बहुरूपमिवामोदाज्जातं तद्राजमन्दिरम् (त्रिभिविशेषकम्) // 861 // तदा भृत्यगणे नृत्यं, प्रमोदेन वितन्वति / ननर्त स्वयमप्युच्चैः प्रीत्या भूपतिरुद्भुजः // 862 // दृष्ट्वाऽपृच्छत् प्रकर्षस्तन्मातुलं जातकौतुकः / . . किमितीमे रटन्त्युच्चैविस्फारितमुखा जनाः // 863 // 202
