________________ उत्सर्गादानसंस्तारा अनवेक्ष्याप्रमृज्य च / अनादरः स्मृत्यनुप-स्थापनं चेति पोषधे // 288 // सचित्ते क्षेपणं तेन, पिधानं काललङ्घनम् / मत्सरोऽन्यापदेशश्च, तुर्यशिक्षाव्रते स्मृताः // 289 // एवं व्रतस्थितो भक्तया, सप्तक्षेत्र्यां धनं वपन् / दयया चातिदीनेषु, महाश्रावक उच्यते . // 290 // यः सद्बाह्यमनित्यं च, क्षेत्रेषु न धनं वपेत् / कथं वराकश्चारित्रं, दुश्चरं स समाचरेत् ? // 291 // ब्राह्म मुहूर्त उत्तिष्ठेत्, परमेष्ठिस्तुति पठन् / किं धर्मा किंकुलश्चाऽस्मि, किंव्रतोऽस्मीति च स्मरन् // 292 // शुचिः पुष्पामिषस्तोत्रै-देवमभ्यर्च्य वेश्मनि / प्रत्याख्यानं यथाशक्ति, कृत्वा देवगृहं व्रजेत् // 293 // प्रविश्य विधिना तत्र, त्रिः प्रदक्षिणयेज्जिनम् / पुष्पादिभिस्तमभ्यर्च्य, स्तवनैरुत्तमैः स्तुयात् // 294 // ततो गुरूणामभ्यर्णे, प्रतिपत्तिपुरःसरम् / / विदधीत विशुद्धात्मा, प्रत्याख्यानप्रकाशनम् // 295 // अभ्युत्थानं तदालोके-ऽभियानं च तदागमे / शिरस्यञ्जलिसंश्लेषः, स्वयमासनढौकनम् // 296 // आसनाभिग्रहो भक्त्या, वन्दना पर्योपासनम् / तद्यानेऽनुगमश्चेति, प्रतिपत्तिरियं गुरोः // 297 // ततः प्रतिनिवृत्तः सन्, स्थानं गत्वा यथोचितम् / .. सुधीर्धर्माऽविरोधेन, विदधीतार्थचिन्तनम् // 298 // ततो माध्याह्निकी पूजां, कुर्यात् कृत्वा च भोजनम् / तद्विद्भिः सह शास्त्रार्थ-रहस्यानि विचारयेत् // 299 //
