________________ बाहये रूपे दृशा दृष्टे, यथा चेतः प्रगल्भते / स्वस्यांतश्चेत्तथा पश्यन्, धर्मे खिद्येत कोऽपि किम् ? // 9 // संवेगामृतसंपूर्णाः, स्फू बाष्पाम्बुलोचनाः / वैराग्यातः स्खलद्वाचो, धिग् धिग् मुह्यन्ति तेऽपि यत् // 10 // धिगस्त्वाहारनीहारी, धर्मं विनेह दुःखदौ / वंशाग्रे यद्वदारोहावरोहौ स्तः पुनः पुनः / // 11 // वक्तुं जानन्ति भूयांसस्तत्त्वं जैनं मुहुर्मुहुः / कार्य्यतः कोऽप्यनुष्ठातुं, धन्यः शक्तो महीतले // 12 // फल्गुवल्गुनरूपाभिर्वाग्भिस्ताभिर्न किञ्चन / कर्णजाहं न याः प्राप्ताश्चेतो विध्यन्ति धीमताम् // 13 // प्रायेणामङ्गलं मत्त्वा, न पृच्छेत्प्रेत्यसंकथाम् / . ज्योतिर्विदात्थ किं मे स्यादैषमस्त्वाह मूढधीः // 14 // चपेटतोऽपि सिंहस्य, मृत्योर्नाम्नोऽपि भीयते / तथाप्यात्मगतां चिन्ता, शक्तः कर्तुं न कोऽप्यलम् // 15 // मेषोन्मेषसमे सौख्ये, संरम्भस्तेऽत्र कीदृशः ? / / मोक्षं विनापि कल्पादौ, गन्तुं धर्मं समाचर // 16 // तालां दत्त्वा क्षणेनैव, मूढ ! यास्यसि पश्यताम् / अत्यर्थं भण्यमानोऽपि, किं न निस्त्रप ! बुध्यसे ? // 17 // ज्ञात्वा चक्रे मनःपाणौ, दीपिका ज्ञानरूपिकाम् / पश्यन्नपि न पश्यामि, हहा मे कर्मचित्रता // 18 // हस्तप्राप्यः पुरो याति, मृगोऽसौ कनकच्छविः / यथा मे नैति संयोगं, धर्मप्तिस्तत्त्वतस्तथा // 19 // शृण्वन्तोऽपि न शृण्वन्ति, जानन्तोऽपि न जानते / पश्यन्तोऽपि न पश्यन्ति, धर्मतत्त्वं भवे रताः // 20 // - 17
