________________ विजयाणं विखंभो बावीस सयाई तेरसहियाई। पंचसए वक्खारा पणवीससयं तु सलिलाओ / // 46 // अउणातीस सयाई बावीसहियाई वणमुहा दो वि / बावीस सहस्सा भद्दसाल तह दस य मेरुम्मि // 47 // इय विजयनगनईणं वणमुहवणसंडमेरुसंखाणं / धरिऊण गुणह सोलस अड्छगदुदुएंगअंकेहि // 48 // जइया तेरहियाई बावीस सयाई विजयपरिमाणं / पढियइ तइया दुन्नि उ फेडिज्जहि गुणिय विजएसु // 49 // बारसहियाइं जइया बावीस सयाई विजयविक्खंभो। .... पढियइ तइया चउद्दस खिप्पंति य गुणियविजएसु // 50 // सत्तगुणे विणु सोलहेहिं अट्ठहिं सांगु हरेज्ज।। लद्धउं विजयहं मेल ठिउ तावहिं लक्खु करिज्ज // 51 // माणुसखेत्ते गब्भयमाणुसमाणं जहन्नयं समए / भणियमिह दुगो अंको दुगुणिज्जइ तत्थ चत्तारि .. // 52 // किल हुंति ते वि दुगुणा अट्ठ उ ते दुगुणिया य सोलसओ। एवं दुगुणा दुगुणा कायव्वा छनवइ वारा // 53 // छन्नवइयम्मि वारे इगूणतीसं हवंति इह अंका। तप्परिमाणाई माणुसाइं समयम्मि भणियाई // 54 // अहवावि दुगो अंको वग्गिज्जइ तत्थ हुँति चत्तारि / एसो पढमो वग्गो तव्वग्गे सोलस हवंति // 55 // तव्वग्गे दुन्नि सया छप्पन्नऽहिया तहा य तव्वग्गे / पणसट्ठि सहस्साइं छत्तीसऽहिया य पंच सया // 56 // तव्वग्गे पुण नेया पुव्वणुपुव्वीऍ एरिसा अंका। चउ दुन्नि नव य चउ नव छ सत्त दो नव य छच्चेव // 57 // 230
