________________ // 772 // // 773 // // 774 // // 775 // // 776 // अथाष्टमः प्रकाशः यत्पदानि पवित्राणि समालम्ब्य विधीयते / तत्पदस्थं समाख्यातं ध्यानं सिद्धान्तपारगैः तत्र षोडशपत्राढ्ये नाभिकन्दगतेऽम्बुजे / स्वरमालां यथापत्रं भ्रमन्ती परिचिन्तयेत् चतुर्विंशतिपत्रं च हृदि पद्मं सकर्णिकम् / वर्णान् यथाक्रमं तत्र चिन्तयेत् पञ्चविंशतिम् वक्त्राब्जेऽष्टदले वर्णाष्टकमन्यत्ततः स्मरेत् / संस्मरन्मातृकामेवं स्याच्छ्रुतज्ञानपारगः / ध्यायतोऽनादिसंसिद्धान् वर्णानेतान् यथाविधि / नष्टादिविषये ज्ञानं ध्यातुरुत्पद्यते क्षणात् / अथवा नाभिकन्दाधः पद्ममष्टदलं स्मरेत् / स्वरालीकेसरं रम्यं वर्गाष्टकयुतैर्दलैः दलसन्धिषु सर्वेषु सिद्धस्तुतिविराजितम् / दलाग्रेषु समग्रेषु मायाप्रणवपावितम् तस्यान्तरन्तिमं वर्णमाद्यवर्णपुरस्कृतम् / रेफाकान्तं कलाबिन्दुरम्यं प्रालेयनिर्मलम् अर्हमित्यक्षरं प्राणप्रान्तसंस्पर्शि पावनम् / . हुस्वं दीर्घं प्लुतं सूक्ष्ममतिसूक्ष्मं ततः परम् ग्रन्थीन् विदारयन्नाभिकन्दहृद्घण्टिकादिकान् / सुसूक्ष्मध्वनिना मध्यमार्गयायि स्मरेत्ततः अथ तस्यान्तरात्मानं प्लाव्यमानं विचिन्तयेत् / बिन्दुतप्तकलानिर्यत्क्षीरगौरामतोर्मिभिः // 777 // // 778 // // 779 // // 780 // // 781 // // 782 // 133
