________________ अवसप्पिणीव भागा हवंति उस्सप्पिणीइ वि छ एए / पडिलोमा परिवाडी नवरि विभाएसु नायव्वा // 1038 // ओसप्पिणी अणंता पोग्गलपरियट्टओ मुणेयव्वो। तेऽणंता तीयद्धा अणागयद्धा अणंतगुणा // 1039 // पोग्गलपरियट्टो इह दव्वाइ-चउब्विहो मुणेयव्वो। थूलेयरभेएहिं जह होइ तहा निसामेह // 1040 // ओरालविउव्वा-तेयकम्म-भासाण-पाण-मणएहिं / . फासे वि सव्वपोग्गल मुक्का अहं बायरपरट्टो . // 1041 // अहव इमो दव्वाई ओरालविउव्वतेयकम्मेहिं / नीसेसदव्वगहणम्मि बायरो होइ परियट्टो // 1042 // दव्वे सुहुमपरट्टो जाहे एगेण अह सरीरेणं / फासे वि सव्वपोग्गल अणुक्कमेणं नणु गणिज्जा // 1043 // लोगागासपएसा जया मरंतेण एत्थ जीवेणं / पुट्ठा कमुक्कमेणं खेत्तपरट्टो भवे थूलो // 1044 // जीवो जइया एगे खेत्तपएसम्मि अहिगए मरइ। पुणरवि तस्साणंतरि बीयपएसम्मि जइ मरइ // 1045 // एवं तरतमजोगेण सव्वखेत्तम्मि जइ मओ होइ। सुहुमो खेत्तपरट्टो अणुक्कमेणं नणु गणेज्जा // 1046 // . ओसप्पिणीए समया जावइया ते य निययमरणेणं। पुट्ठा कमुक्कमेणं कालपरट्टो भवे थूलो // 1047 // सुहुमो पुण ओसप्पिणी पढमे समयम्मि जइ मओ होइ। पुणरवि तस्साणंतरबीए समयम्मि जइ मरइ // 1048 // एवं तरतमजोएण सव्वसमएसु चेव एएसुं। जइ कुणइ पाणचायं अणुक्कमेणं नणु गणिज्जा // 1049 //
