________________ बायरसुहुमायासे खेत्तपएसाणुसमयमवहारे / वायरसुहमं खेत्तं उस्सप्पिणीओ असंखेज्जा . || 1026 // उद्धारपल्लगाणं कोडाकोडी भवेज्ज दसगुणिया। * सागरोवमस्स उ एक्कस्स भवे परीमाणं // 1027 // जावइओ उद्धारो अड्डाइज्जाण सागराण भवे / तावइआ खलु लोए हवंति दीवा समुद्दा य // 1028 // तह अद्धापल्लाणं कोडाकोडी भवेज्ज दसगुणिया। तं सागरोवमस्स उ परिमाणं हवइ एगस्स . // 1029 // सुहुमेण उ अद्धासागरस्स माणेण सव्वजीवाणं। कम्मठिई कायठिई भवट्ठिई होई नायव्वा . // 1030 // इह खेत्तपल्लगाणं कोडाकोडी हवेज्ज दसगुणिया / तं सागरोवमस्स उ एक्कस्स भवे परीमाणं . // 1031 // एएण खेत्तसागरउवमाणेणं हविज्ज नायव्वं / पुढविदगअगणिमारुयहरियतसाणं च परिमाणं // 1032 // दस कोडाकोडीओ अद्धाअयराण हुंति पुनाओ। . अवसप्पिणीए तीए भाया छच्चेव कालस्स // 1033 // सुसमसुसमा य सुसमा तइया पुण सुसमदुस्समा होइ / दूसमसुसम चउत्थी दूसम अइदूसमा छट्ठी // 1034 // सुसमसुसमाए कालो चत्तारि हवंति कोडिकोडीओ। तिन्नि सुसमाए कालो दुन्नि भवे सुसमदुसमाएं // 1035 / / एक्का कोडाकोडी बायालीसाए जा सहस्सेहिं / वासाण होइ ऊणा दूसमसुसमाइ सो कालो // 1036 // अह दूसमाए कालो वाससहस्साई एक्कवीसं तु / तावइओ चेव भवे कालो अइदूसमाए वि // 1037 //
