________________ अविरयमरणं बालं मरणं विरयाण पंडियं बिंति / जाणाहि बालपंडियमरणं पुण देसविरयाणं // 1014 // मणपज्जवोहिनाणी सुयमइनाणी मरंति जे समणा / छउमत्थमरणमेयं केवलिमरणं तु केवलिणो // 1015 // गिद्धाइभक्खणं गिद्धपिट्ठ उब्बंधणाइ वेहासं। . एए दोन्नि वि मरणा कारणजाए अणुन्नाया : // 1016 // भत्तपरिन्ना इंगिणि पायवगमणं च तिन्नि मरणाइं। . कन्नसमझिमजेट्ठा धिइसंघयणेण उ विसिट्ठा // 1017 // पलिओवमं च तिविहं उद्धाराऽद्धं च खेत्तपलियं च। एक्केक्कं पुण दुविहं बायर सुहुमं च नायव्वं // 1018 // जं जोयणविच्छिन्नं तं तिउणं परिरएण सविसेसं। तावइयं उविद्धं पल्लं पलिओवमं नाम . // 1019 // एगाहियबेहियतेहियाण उक्कोस सत्तरत्ताणं / सम्मटुं संनिचियं भरियं बालग्गकोडीहिं .. // 1020 // तत्तो समए समए इक्किक्के अवहियम्मि जो कालो। संखिज्जा खलु समया बायरउद्धारपल्लम्मि // 1021 // एक्केक्कमओ लोभं कट्टमसंखिज्जखंडमद्दिस्सं / समछेयाणंतपएसियाण पल्लं भरिज्जाहि // 1022 // तत्तो समए समए एक्केक्के अवहियम्मि जो कालो। संखिज्ज वासकोडी सुहुमे उद्धारपल्लम्मि // 1023 // वाससए वाससए एक्केक्के बायरे अवहियम्मि। . बायर अद्धापलियं संखेज्जा वासकोडीओ _ // 1024 // वाससए वाससए एक्केक्के अवहियम्मि सुहुमम्मि / सुहुमं अद्धापलियं हवंति वासा असंखिज्जा // 1025 // 8
