________________ हरियालो मणसिल पिप्पली य खजूर मुद्दिया अभया / आइन्नमणाइन्ना ते वि हु एमेव नायव्वा // 1002 // आरुहणे ओरुहणे निसियण गोणाइणं च गाउम्हा / भोम्माहारच्छेओ उवक्कमेणं तु परिणामो // 1003 // धन्नाई चउवीसं जव गोहुम सालि वीहि सट्ठी य। कोद्दव अणुया कंगू रालय तिल मुग्ग मासा य // 1004 // अयसि हरिमंथ तिउडग निप्फाव सिलिंद रायमासा य / इक्खु मसूर तुवरी कुलत्थ तह धन्नय कलाया // 1005 // आवीइ ओहि अंतिय वलायमरणं वसट्टमरणं च / अंतोसल्लं तब्भव बालं तह पंडियं मीसं // 1006 // छउमत्थमरण केवलि वेहायसं गिद्धपिट्ठमरणं च / मरणं भत्तपरिन्ना इंगिणि पाओवगमणं च // 1007 // अणुसमयनिरंतरमाविइसन्नियं तं भणंति पंचविहं / दव्वे खेत्ते काले भवे य भावे य संसारे // 1008 // एमेव ओहिमरणं जाणि मओ ताणि चेव मरइ पुणो। . एमेव आइअंतियमरणं न वि मरइ ताणि पुणो // 1009 / / संजमजोगविसन्ना मरंति जे तं वलायमरणं तु। / इंदियविसयवसगया मरंति जे तं वसट्टं तु . * // 1010 // गारवपंकनिबुड्डा अइयारं जे परस्स न कहंति। .. दंसणनाणचरिते ससल्लमरणं हवइ तेसिं . // 1011 // मोत्तुं अकम्मभूमिय नरतिरिए सुरगणे य नेरइए / सेसाणं जीवाणं तब्भवमरणं च केसिंचि // 1012 // मोत्तूण ओहिमरणं आवी(इ) अंतियंतियं चेव / सेसा मरणा सव्वे तब्भवमरणेण नायव्वा / / 1013 // . . 85
