________________ दो चेव नमोक्कारे आगारा छच्च पोरसीए उ। सत्तेव य पुरिमड्डे एक्कासणगम्मि अटेव // 203 // सत्तेगट्ठाणस्स उ अद्वैव य अंबिलम्मि आगारा / पंचेव अब्भत्तटे छप्पाणे चरिम चत्तारि . // 204 // पंच चउरो अभिग्गहि निव्विइए अट्ठ नव य आगारा / अप्पाउरणे पंच उ हवंति सेसेसु चत्तारि / 205 // नवणीओगाहिमगे अद्दवदहिपिसियघयगुडे चेव / नव आगारा एसि सेसदवाणं च अटेव . // 206 // असणं ओयण सत्थुगसग्गजगाराइ खज्जगविही य / खीराइ सूरणाई मंडगपभिई य विन्नेयं // 207 // पाणं सोवीरजवोदगाइ चित्तं सुराइयं चेव। आउक्काओ सव्वो कक्कडगजलाइयं च तहा . // 208 // भत्तोसं दंताई खज्जूरगनालिकेरदक्खाई। कक्कडि अंबगफणसाइ बहुविहं खाइमं नेयं // 209 // दंतवणं तंबोलं चित्तं तुलसीकुहेडगाईयं / महुपिप्पलिसुंठाई अणेगहा साइमं नेयं // 210 // पाणम्मि सरयविगई खाइम पक्कन्नअंसओ भणिओ। साइमि गुलमहुविगई सेसाओ सत्त असणम्मि . // 211 // फासियं पालियं चेव, सोहियं तीरियं तहा। कित्तियमाराहियं चेव, जएज्जा एरिसम्मि उ . // 212 // उचिए काले विहिणा पत्तं जं फासियं तयं भणियं / - तह पालियं च असई सम्मं उवओगपडियरियं // 213 // गुरुदत्तसेसभोयणसेवणयाए य सोहियं जाण। पुण्णे वि थेवकालावत्थाणा तीरियं होइ // 214 // .
