________________ गोसे अब्भत्तटुं जो काउं तं कुणइ बीयगोसे वि। इय कोडीदुग-मिलणे कोडीसहियं तु नामेण . // 191 / / हटेण गिलाणेण वि अमुगतवो अमुगदिणम्मि नियमेणं / कायव्वो त्ति नियंटिय-पच्चक्खाणं जिणा बिति // 192 // चउदसपुविसु जिणकप्पिएसु पढमम्मि चेव संघयणे / एय वोच्छिन्नं चिय थेरा वि तया करेसी य // 193 // महतरयागाराई-आगारेहिं जुयं तु सागारं / आगारविरहियं पुण भणियमणागारनामं ति // 194 // किंतु अणाभोगो इह सहसागारो अ दुन्नि भणिअव्वा / / जेण तिणाइ खिविज्जा मुहम्मि निवडिज्ज वा कह वि // 195 // इय कयआगार-दुगं पिसेसआगाररहिअमणागारं। दुब्भिक्खवित्तिकंतारगाढ-रोगाइए कुज्जा // 196 // दत्तीहि वि कवलेहि व घरेहि भिक्खाहिं अहव दव्वेहिं / जो भत्तपरिच्चायं करेइ परिमापा कडमेयं // 197 // सव्वं असणं सव्वं च पाणगं खाइमं पि सव्वं पि। वोसिरइ साइमं पि हु सव्वं जं निरवसेसं तं // 198 // केयं गिहंति सह तेण जे उतेसिमिमं तु साकेयं / अहवा केयं चिंधं सकेयमेवाहु साकेयं // 199 // अंगुट्ठी-गठि-मुट्ठि-घरसेयुस्सासथिवुग-जोइक्खे / पच्चक्खाणविचाले किच्चमिणमभिग्गहेसु वि य // 200 // अद्धा कालो तस्स य पमाणमद्धं तु जं भवे तमिह / अद्धापच्चक्खाणं दसमं तं पुण इमं भणियं // 201 // नवकारपोरिसीए पुरिमड्ढेकासणेगठाणे य / आयंबिलऽभत्तढे चरिमे य अभिग्गहे विगइ // 202 //
