________________ भोयणकाले अमुगं पच्चक्खायंति भुंज कित्तीयं / आराहियं पयारेहिं सम्मभेएहिं निट्ठवियं // 215 // वयभंगे गुरुदोसो थेवस्स वि पालणा गुणकारी उ / गुरुलाघवं च नेयं धम्मम्मि अओ उ आगारा // 216 // दुद्धं दहि नवणीयं घयं तहा तेल्लमेव गुड मज्जं / महु मंसं चेव तहा ओगाहिमगं च विगईओ // 217 // गोमहिसुट्टीपसूणं एलग खीराणि पंच चत्तारि / दहिमाइयाई जम्हा उट्टीणं ताणि नो हुति . // 218 // चत्तारि हुंति तेल्ला तिल अयसि कुसुंभ सरिसवाणं च / विगईओ सेसाणं डोलाईणं न विगईओ // 219 // दवगुडपिंडगुडा दो मज्जं पुण कट्ठपिट्ठनिप्फन्नं / मच्छियकुत्तियभामरभेयं च महुं तिहा होई // 220 // जलथलखहयरमंसं चम्मं वस सोणियं तिभेयं च। आइल्ल तिण्णि चलचल ओगाहिमगं च विगईओ // 221 // खीरदहीवियडाणं चत्तारि उ अंगुलाणि संसटुं। . फाणियतिल्लघयाणं अंगुलमेगं तु संसटुं // 222 // महुपुग्गलरसयाणं अद्धंगुलयं तु होइ संसटुं। . गुलपुग्गलनवणीए अद्दामलयं तु संसटुं / // 223 // विगई विगइगयाणि य अणंतकायाणि वज्जवत्थूणि / दस तीसं बत्तीसं बावीसं सुणह वन्नेमि . // 224 // दुद्ध दहि तिल नवणीय घय गुड महु मंस मज्ज पक्कं च / पण चउ चउ चउ चउ दुगतिग तिगदुग एगपडिभिन्नं // 225 / / दव्वहया विगइगयं विगई पुण तेण तं हयं दव्वं / उद्धरिए तत्तम्मि य उक्किट्ठदव्वं इमं अन्ने // 226 // 18.
