________________ गुणरयणवच्छरम्मी सोलस मासा हवंति तवचरणे। एगंतरोववासा पढमे मासम्मि कायव्वा .. // 1566 // ठायव्वं उक्कुडुआसणेण दिवंसे निसाए पुण निच्चं / वीरासणिएण तहा होयव्वमवाउडेणं च ... // 1567 // बीयाइसु मासेसुं कुज्जा एगुत्तराए वुडीए। जा सोलसमे सोलस उववासा हुंति मासम्मि __ // 1568 // जं पढमगम्मि मासे तमणुट्ठाणं समग्गमासेसु। . पंच सयाई दिणाणं वीसूणाई इमंमि तवे // 1569 // तह अंगावंगाणं चिइवंदणपंचमंगलाईणं। ... उवहाणाइ जहाविहि हवंति नेयाई तह समया // 1570 // पणनउइ सहस्साई ओगाहित्ता चउद्दिसिं लवणं। . चउरोऽलिंजरसंठाणसंठिया होति पायाला .. // 1571 // वलयामुह केयूरे जुयगे तह ईसरे य बोद्धवे / सव्ववइरामयाणं कुड्डा एएसि दससइया . // 1572 // जोयणसहस्सदसगं मूले उवरिं च होति विच्छिन्ना। मज्झे य सयसहस्सं तत्तियमित्तं च ओगाढा // 1573 // पलिओवमट्टिईया एएसिं अहिवई सुरा इणमो / काले य महाकाले वेलंब पभंजणे चेव // 1574 // अन्ने वि य पायाला खुड्डालिंजरगसंठिया लवणे। अट्ठ सया चुलसीया सत्त सहस्सा य सव्वेसिं // 1575 // जोयणसयविच्छिन्ना मूलुवरि दस सयाणि मज्झम्मि / ओगाढा य सहस्सं दसजोयणिया य सिं कुड्डा // 1576 // पायालाण विभागा सव्वाण वि तिन्नि तिन्नि बोद्धव्वा / हिट्ठिमभागे वाऊ मज्झे वाऊ य उदगं च . // 1577 // 12
