________________ देवग्गठवियकलसो जा पुन्नो अक्खयाण मुट्ठीए / जो तत्थ सत्तिसरिसो तवो तमक्खयनिहिं बिति. // 1554 // वड्डइ जहा कलाए एक्केक्काएऽणुवासरं चंदो। संपुन्नो संपज्जइ जा सयलकलाहिं पव्वम्मि // 1555 // तह पडिवयाए'एक्को कवलो बीयाइ पुन्निमा जाव। एक्केक्ककवलवुड्डी जा तेसि होइ पन्नरसगं // 1556 // एक्केक्कं किण्हम्मि य पक्खम्मि कलं जहा ससी मुयइ / कवलो वि तहा मुच्चइ जाऽमावासाइ सो एक्को // 1557 // एसा चंदप्पडिमा जवमज्झा मासमित्तपरिमाणा। इण्डिं तु वज्जमज्झं मासप्पडिमं पवक्खामि // 1558 // पन्नरस पडिवयाए एक्कगहाणीए जावऽमावस्सा। एक्केणं कवलेणं जाया तह पडिवई वि सिआ // 1559 // बीयाइयासु इक्कगवुड्डी जा पुन्निमाए पन्नरस / जवमज्झवज्जमज्झाओ दो वि पडिमाओ भणियाओ // 1560 // दिवसे दिवसे एगा दत्ती पढमम्मि सत्तगे गिज्झा। वड्डइ दत्ती सह सत्तगेण जा सत्त सत्तमए // 1561 // इगुवन्नवासरेहिं होइ इमा सत्तसत्तमी पडिमा / . अट्ठट्ठमिया नवनवमिया य दसदसमिया चेव . // 1562 // नवरं वड्डइ दत्ती सह अट्ठगनवगदसगवुड्डीहिं।। चउसट्ठी एक्कासी सयं च दिवसाणिमासु कमा // 1563 // एगाइयाणि आयंबिलाणि एक्केक्कवुड्डिमंताणि / पज्जंतअभत्तट्ठाणि जाव पुन्नं सयं तेसिं // 1564 // एयं आयंबिलवद्धमाणनामं महातवच्चरणं / वरिसाणि एत्थ चउदस मासतिगं वीस दिवसाणि // 1565 // . 131
