________________ चउसट्ठिसहस्सुच्चा दसजोयणसहस्सवित्थडा सव्वे / सहसमहो उवगाढा उवरि अहो पल्लयागारा // 1482 / / अंजणगिरिसिहरेसु व तेसु बि जिणमंदिराइं रुंदाई। वावीणमंतरालेसु पव्वयदुगं दुगं अस्थि // 1483 // ते रइकराभिहाणा विदिसिठिया अट्ठ पउमरायाभा / उवरिठियजिणिंदसिणाणघुसिणरससंगपिंगु व्व // 1484 // अच्चंतमसिणफासा अमरेसरविंदविहियआवासा / दसजोयणसहसुच्चा उव्विद्धा गाउयसहस्सं // 1485 // झल्लरिसंठाणठिया उच्चत्तसमाणवित्थडा सव्वे / तेसु वि जिणभवणाइं नेयाइं जहुत्तमाणाई. // 1486 // दाहिणदिसाए भद्दा विसालवावी य कुमुयपुक्खरिणी। तह पुंडरिगिणी मणितोरणआरामरमणीया // 1487 // पुक्खरिणी नंदिसेणा तहा अमोहा य वा वि गोथूभा। . तह य सुंदसणवावी पच्छिमअंजणचउदिसासु . // 1488 / / विजया य वेजयंती जयंति अपराजिया उ वावीओ। उत्तरदिसाए पुव्वुत्तवावीमाणा उ बारस वि . // 1489 // सव्वाओ वावीओ दहिमुहसेलाण ठाणभूयाओ। अंजणगिरिपमुहं गिरितेरसग विज्जइ चउदिसि पि . // 1490 // इय बावन्नगिरिसरसिहरट्ठिय वीयरायबिम्बाणं / . पूयणकए चउव्विहदेवनिकाओ समेइ सया // 1491 // आमोसहि विप्पोसहि खेलोसहि जल्लओसही चेव / सव्वोसहि संभिन्ने ओही रिउ-विउलमइलद्धी // 1492 // चारण आसीविस केवलिय गणहारिणो य पुव्वधरा / अरहंत चक्कवट्टी बलदेवा वासुदेवा वा // 1493 // . 125
